Зошто нема да можете да престанете да гледате во фустанот на Хајди Клум на премиерата на „Аватар 2“? (фото)

Пред нас имаме совршенство, кое прави да си ги протриеме очите двапати... Хајди Клум со епски фустан, оптичка илузија, на премиерата на филмот „Avatar 2: The Way of Water“ – изгледа како вода што се движи. Таа навистина знае како да остави впечаток.

Хајди Клум (49) знае како да остави силен впечаток на црвениот (во случајов син) тепих, па така беше и овојпат на премиерата на филмот „Avatar 2: The Way of Water“.

Таа се појави во совршен, од многумина наречен и епски фустан, кој изгледаше како спој на оптичка илузија, технологија и имагинација.

Плус, кога една дама од рангот на Хајди го носи, тогаш имаме совршенство, кое прави да си ги протриеме очите двапати.

Фустанот на едно рамо е транспарентен и ни креира илузија на вода која се движи. Изгледа прозрачно и како да ѝ противи на гравитацијата.

Суптилниот, но неверојатен, навидум бестежински материјал, ја направи Хајди божица на синиот тепих.

Изгледот Хајди го надополни со илузија на влажна коса залижана наназад, но и со соодветен сребрен стајлинг на нејзиниот партнер Том Каулиц.

Моден погодок, зарем не?

С. С. | Црнобело