5-те најубави плажи во близина на Кавала (идеални и за забава и за одмор со деца)

Плажата Vrasida е сместена во залив, помеѓу Ammolfi и Nea Peramos, и е една од најегзотичните плажи близу Кавала. Тиркизната вода и златниот песок даваат прекрасен контраст на зелената шума зад неа. Ова е една од најпопуларните плажи во регионот, па ако сакате да фатите добро место, дојдете порано наутро. Дали некогаш сте посетиле некоја од прекрасните плажи во близина на Кавала?

Кавала е фасцинантен град во јужниот дел на Грција, до кој се стигнува брзо од Солун. Тој е комбинација од модерен, живописен дел од една страна, и стар, историски дел од другата.

Но, она што ја прави Кавала посебна се и бројните плажи во близина на градот. Сино-зеленото море и златните песочни плажи го прават брегот околу Кавала едно од омилените места на Грците за летен одмор.

Плажите се лесно достапни со автомобил, а истовремено се совршени и за семејства со деца, но и за оние што сакаат забава.

Од Кавала се фаќа и траект за Тасос. Па, ако летувате на овој познат грчки остров, зошто да не посетите една од овие прекрасни плажи пред или по летувањето?

Кои се 5-те најпопуларни плажи во близина на Кавала?

Paleo

Една од најголемите плажи близу Кавала е Paleo – прекрасна плажа со златен песок и плитка вода, идеална за семејства со мали деца.

Зад плажата има мала шума, па кога е најжешко можете да се скриете под сенката на дрвјата.

Во близина има и неколку таверни со традиционална грчка храна, но и морски специјалитети.

До плажата се стигнува со автомобил, а оддалечена е 9 километри од Кавала.

Nea Iraklitsa

Малку подалеку, на околу 15 километри од Кавала, се наоѓа плажата Nea Iraklitsa, позната и како Alana Beach.

Популарна е поради златниот песок, но и можноста за забава.

Од една страна, тука се баровите кои нудат лежалки на плажа, а од друга страна е пустиот дел, каде што самите можете да си поставите лежалка и чадор за сонце.

До плажата се стига лесно со автомобил.

Ammolofi

Плажата Ammolofi е долга скоро 3 километри и поделена е на три дела.

Преку ден е мирна, но ако сакате забава покрај плажа, тука навечер се организираат и многу журки.

Освен тоа, нуди забава и за оние што сакаат да пробаат спортови на вода.

Околината е тропска, со сино-зелена вода на морето и планина зад плажата.

Оддалечена е на 22 километри од Кавала, и до неа се доаѓа со автомобил.

Nea Peramos

И оваа плажа, како и повеќето во близина на Кавала, е долга, убава и со ситен песок.

Водата е зелено смарагдна и плитка, па е една од најпопуларните за семејства со мали деца.

Нема многу посетители и прилично е мирна.

Во еден дел има барови со лежалки и чадори за сончање, но во другиот дел е дива, па можете и сами да поставите лежалка.

Се наоѓа на 18 километри од Калава и лесно е достапна со автомобил.

Vrasida

Плажата Vrasida е сместена во залив помеѓу Ammolfi и Nea Peramos и е една од најегзотичните плажи близу Кавала.

Тиркизната вода и златниот песок даваат прекрасен контраст на зелената шума зад неа.

Ова е една од најпопуларните плажи во овој регион, оддалечена на 23 километри од Кавала.

Па, ако сакате да фатите добро место, препорачливо е да дојдете порано наутро.

A. J. | Црнобело