8 забавни активности во кои може да уживате ако го посетите Скијатос во септември

Гледајте филм на отворено во Attikon

Ова кино на отворено во Скијатос постои од 1962-ра година.

Тоа е одлично место доколку на островот патувате сами со својот партнер, па би можеле таму да испланирате една незаборавна романтична вечер и да гледате филмови на англиски јазик со грчки превод.

За сурфање и скијање на вода посетете ја плажата Agia Eleni

Оваа плажа е одлична доколку планирате целиот ден да го поминете во сончање и во пливање, но и доколку имате желба да уживате во водени спортови.

На оваа плажа можете да најдете забавни активности како сурфање, скијање на вода, веслање кану.

Уживајте во ситниот песок и кристално бистрите води на плажата Troulos

Оваа плажа се наоѓа на околу 9km од градот Скијатос и е препознатлива по ситниот песок, чистата вода и големиот плиток дел.

Плажата има повеќе бич-барови со лежалки и чадори, а во близина има и повеќе сместувачки капацитети.

Посетете го островот Tsoguria

До овој остров се доаѓа со брод од Скијатос, и важи за едно од најдобрите места доколку на патувањето сте со деца.

На плажата на островот има чадори, како и голем број штандови на кои се продава храна и пијалаци.

Исто така, ќе ви се допадне тоа што има многу голем плиток дел што е одлично доколку сте со деца или не сте искусни пливачи.

Б. С. Б. | Црнобело