TripAdvisor го избра Лондон за најпопуларна европска дестинација за 2024 - Која соседна земја е на листата?

TripAdvisor ги избра 10-те најпопуларни туристички дестинации во Европа. На првото место е Лондон, а две од нив се наоѓаат во близина на Македонија. Кои се тие?

Светски познатиот сајт за патување и совети за туристите, TripAdvisor, направи листа на најдобрите туристички дестинации за 2024-та година и глобално, и во Европа.

Според нивната листа, главниот град на Велика Британија, Лондон, е најдобрата дестинација во Европа за 2024, а трета дестинација на глобално ниво, по Дубаи и Бали.

TripAdvisor листата ја прави врз база на сопствените предвидувања, но и оценките од туристите, кои го избраа Лондон за градот кој најмногу би сакале да го посетат оваа година.

Она што најмногу ги привлекува туристите кон Лондон се кралското семејство, историјата на земјата, бројните музеи, но и старите замоци кои се наоѓаат во близина на градот.

Просечно, на годишно ниво, Лондон го посетуваат по околу 30 милиони туристи.

По Лондон, на листата се Рим и Париз. Интересно е што овие три дестинации беа топ 3 дестинации и минатата 2023 година.

На четврто место е островот Крит во Грција, по што следува Истанбул, па Барселона. Шпанија е застапена со уште еден град - Мадрид - кој се наоѓа на седмото место.

Осми е Лисабон, па Амстердам, а листата од топ 10 дестинации во Европа завршува со Фиренца.

Што се однесува до дестинациите на светско ниво, листата се поклопува во четири дестинации со европските.

На прво место е Дубаи, па Бали, а Лондон е трет. Зад него е Ханој во Виетнам, петти е Рим, а на шесто место е Париз.

Следен на листата е Канкун во Мексико, па Маракеш во Мароко.

На деветтото место е Крит, а листата завршува со уште една дестинација во Виетнам - Хои Ан.

А. Ј. | Црнобело