Ненеци, народ кој живее „на работ на светот“: Јадат месо од ирваси, преживуваат и на -50°C

Секое семејство има по еден ирвас „домашен миленик“. А ирвасите им нудат на Ненеците сè што им треба за да преживеат - од кожата прават облека, чизми и прекривки, од коските прават садови и делови за санките, а месото од ирвасите им е главна храна. 

Ненеците се племе во Русија кое го следи номадскиот начин на живот на нивните предци. За да преживеат, годишно поминуваат пеш и до 2.000 километри и своите кампови ги селат од студените во потоплите делови на Сибир.

Познати се и под името Самоједи, но и по тоа што живеат во екстремни услови, на температура до -50°C, а се хранат со месо од ирваси. Од нивната кожа, пак, прават облека која ги топли.

Преку зима, овој народ ги поставува своите кампови јужно од делтата на реката Об.

Во овој дел од земјата температурите може да се спуштат и до -50°C, па и покрај суровите временски услови, тие преживеале неколку илјади години благодарение на ирвасите.

Преку лето, пак, одат кон северот на полуостровот Јамал, каде што се наоѓаат пасиштата и нивните летни кампови.

Полуостровот Јамал, кој се наоѓа во Арктичкиот Океан, на ненетски јазик значи „работ на светот“.

Секое семејство има по еден ирвас „домашен миленик“, кого лесно го препознаваат во стадото ирваси и кој е „ослободен“ од влечење санки.

Ирвасите им нудат на Ненеците сè што им треба за да преживеат.

Продолжува на следната страница...