Пат околу светот за 343 дена

Киен Лам, фотограф вљубен во патувањата и мирисот на лосионите за сончање, има импресивна бројка на штиклирани авантури од „што сакам да...

...направам пред да умрам“ листата.

Меѓу другото, свадбениот фотогаф од Сан Франциско пливал со ајкули, хранел крокодил во дивина, јавал камила, јавал слон преку река, преспал под отворено небо во Сахара, сурфал во Австралија, шеткал околу Стоунхенџ, нуркал во Црвено Море, рипнал од авион и од водопад, а во план му е да научи брејкденс и паркур, да трча со бикови во Памплона, да го види изгрејсонцето и зајдисонцето на сите 7 континенти, да упадне на свадба во Индија...

Во 2006 година поминал повеќе од еден месец во Кина и Виетнам, во 2009 година се шетал во Костарика, а во 2010/2011 едноставно го вртел светот посетувајќи 17 земји за 343 дена.

Големата прошетка започнала со давање отказ и купување билет во еден правец за Лондон. На ова патување низ Англија, Франција, Португалија, Шпанија, Јордан, Тајланд, Индонезија, Мароко, Уругвај, Јапонија, Аргентина, Чиле, Египет, Боливија, Перу, Турција и САД направил 6237 фотографии. Додека и сами не одлучите да го прошетате светот, преку ова видео може да впиете дел од неговата неверојатна авантура.

Кога ќе видите како живеат Киен и Мет неизбежно е да се запрашате што всушност правам јас? Па до каде сте со вашата листа на посакувани доживувања?

З.П. | Црнобело