Српска блогерка споделува: Колку пари се потребни за посета на спомениците низ Истанбул?

За посета на Аја Софија ќе ви требаат 25 евра, за Токапи палатата 45... Колку пари треба да подготвите во паричникот, ако планирате да ги прошетате сите знаменитости и споменици во Истанбул?

Српската новинарка и блогерка Исидора Илиќ неодамна имала можност да го посети Истанбул, а на својот Инстаграм профил објави видео во кое се обиде да им даде корисни информации на своите следбеници кои во следниот период имаат намера да го посетат главниот град на Турција.

Пред да заминете во посета на Истанбул, освен парите за авионски билет и за престој, нормално е дека треба да одвоите финансии и за посета на некои од најпознатите споменици и знаменитости во градот, а Исидора се обиде да сумира колку вкупно пари ќе треба да одвоите за таа намена.

Како што вели, влезот во најпознатото обележје на градот, црквата Аја Софија, на 15-ти јануари годинава чинел 25 евра.

„Постојат два одвоени влеза, од кои едниот е за верниците и за молитвата, а другиот е за туристите“ – појаснува таа.

Влезот во Топкапи палатата сега чини 45 евра. Во минатото се продавале две одвоени влезници за палатата и за харемот, но сега е направена промена, па во овoј музеј може да се влезе само со една влезница.

„Од годинава влезницата за Долмбахче палатата чини 1.050 лири, односно 30 евра и опфаќа посета на сите три дела на палатата“ – додава таа.

Крстарењето по Босфор чини 30-тина евра, а влезот во Галата кулата е 20 евра.

За крај, таа вели дека ако планирате да ги посетите сите овие знаменитости, најдобра опција е да купите Istanbul Pass, која чини околу 150 евра за три дена.

Таа издвои неколку знаменитости што се бесплатни, како Сината џамија, но и прошетката по базарите и пазарите.

Погледнете го видеото:

Б. С. Б. | Црнобело