Руфтоп бар во Прага е инстаграмџиски рај - Се наоѓа на врвот од „Танцувачката куќа“ (фото)

Дали и вие сте меѓу Македонците кои на листата за посета ја имаат Прага периодов, поради достапните авионски летови? Ако е така, оваа туристичка атракција мора да ви биде во план. Ќе направите совршени фотки со панорамски поглед кон градот и реката В'лтава, особено на зајдисонце.

Периодов многу Македонци ја посетија Прага, поради евтините летови, па ако и вие имате вакви планови, тогаш на листата за посета ставете го и локалот „GLASS BAR“.

Станува збор за модерен руфтоп бар сместен на врвот на познатата зграда „Dancing House“ (позната и како „Танцувачката куќа“).

„Танцувачката куќа“ е едно од најпознатите модерни архитектонски дела во Прага и вистинска туристичка атракција.

Зградата има необична, „раздвижена“ форма која изгледа како двајца што танцуваат.

Инаку, барот се наоѓа на самиот покрив на зградата и има спектакуларен поглед кон реката В'лтава и стариот дел од градот.

Ќе уживате во панорамски поглед од 360° кон Прага, а најубаво е да појдете на зајдисонце.

Локалот е елегантен и модерен со стаклени ѕидови, па оттука и името, а цените се малку повисоки со оглед на тоа што станува збор за туристичка атракција.

Најубавите фотки ќе ги направите на отворената тераса на покривот.

Атмосферата преку фотки:

С. С. | Црнобело