Магична река - чудо на природата

Гледајќи во овие прекрасни фотографии, невозможно е да не се запрашаме дали се работи за фотошоп бидејќи е премногу магично за да биде вистинито.

Се работи за Волшебната река која се наоѓа во местото Хинатуан на Филипините и koja е голема туристичка атракција.

За оваа река постојат многу легенди кои мештаните обожаваат да им ги раскажуваат на посетителите. Се верува дека бојата на оваа река е дело на мистични суштества и самовили. Впрочем, кој друг би можел да создаде ваква боја освен магичните самовили?

Легендата вели дека навечер кога сите ќе заспијат доаѓа една светулка која го осветлува местото. Тогаш, над реката се појавува прекрасна самовила и нејзините поданици – џуџиња. Со своето магично стапче самовилата ја разматува водата, а џуџињата почнуваат да фрлаат скапоцени камења од сафир и жад во речното корито и токму заради тоа следното утро реката ја има онаа неверојатно азурно – зелена боја.

Околу оваа река кружат и многу други преданија, како оние дека во нејзе има рајски видови на риби кои ниеден рибар не може да ги улови, а некои тврдат дека навечер на реката доаѓаат да се капат прекрасни голи девојки, со коси до земја и милозвучни гласови, а штом ќе блесна првиот зрак, тие магично исчезнуваат.

Реката се наоѓа 20 км од автопатот и како дестинација е лесно достапна.

Кој не би сакал да се искапе во овие мистериозни води?