Хотел во дива африканска савана

Егзотичната африканска убавина отсекогаш привлекувала многу туристи од целиот свет. Погледнете го овој прекрасен хотел од кој можете лично да ја доживеете Африка и да се релаксирате во врвни услови.

Се работи за два комплекси кои се одвоени еден од друг. Едниот се состои од 10 соби и два апартмани кои се наоѓаат на најгорниот кат.

Секоја соба има прекрасен поглед на околните рамнини и природа. Другиот дел се наоѓа на брегот на реката и е составен од 10 бунгалови и до таму може да се пристигне само преку висечки мост.

Собите имаат базен и поглед кон природата, опремени се со сите потребни работи и уредени се во стилот на европската елеганција и африканскиот колонијален шмек.

Професионалните готвачи приготвуваат национални и европски јадења, а местото на јадење можете секогаш да го менувате по своја желба.

Достапен е и спа центар каде што можете да уживате во масажи и козметички третмани направени од локалните намирници.

Секое утро или вечер можете да се шетате во сафарито под водство на водич или пак можете да одберете возење со сафари возило. Можете да ги посетите и околните племиња кои ќе ви ги откријат тајните на нивниот опстанок во Африка.