Храна која треба да ја избегнувате додека патувате

Колкави гурмани и да сте, би требало да внимавате што дегустирате, посебно кога патувате низ светот.

За да го намалите ризикот од болести, паразити или бактерии, важно е да се придржувате кон неколку основни правила.

Вода од чешма

Заразената вода е една од најчестите причинители за болестите кои владеат низ светот. Затоа, информирајте се за водата и чистотата на храната за дестинацијата на која патувате. Ако барем малку се сомневате, пијте исклучиво флаширана вода и сокови, а избегнувајте го и одржување на хигиената на устата со вода од чешма.

Мраз

Слично како и со водата од чешма, некои бактерии може да преживеат и во леден облик. Затоа, подобро е да го прескокнете мразот кога станува збор за разладување на пијалоците. Ако ви се пие нешто ледено, не се срамете да го побарате најстуденото пиво кое го имаат и нагласете дека мразот не доаѓа во предвид.

Храна која има големи шанси да е нечиста

Ако сте љубители на брзата храна, треба добро да процените кој локал е сигурен за консумација, а кој не. Храната која ќе падне на секунда од рацете на оној кој ве услужува, а потоа истата ќе биде вратена во вашиот сендвич не доаѓа во предвид. Избегнете ги ваквите непријатности со тоа што кога и да бидете во можност, надгледувајте како го подготвуваат вашиот сендвич.

Хигиена на готвачите и келнерите

Бактериите кои се таложат на рацете се едни од најопасните, па затоа секогаш ресторанот или сендвичарата судете ги по чистотата на оние кои ја служат храната, нивната облека, како и чистотата на масата, столчињата и кујната.

Топло јадење

Свежо подготвеното јадење е секогаш поздраво отколку она подгреаното. Затоа, доколку нарачате пржен компир, печено месо или некое друго јадење кое се сервира исклучиво топло, добро проверете дали е онакво какво што треба. Доколку е само подгреано надворешно, а внатрешноста ви е сомнителна, веднаш вратете го. Нема потреба да ризикувате.

Храна и сонце

Контролирањето на температурата во која стои храната е клучен фактор за нејзината сигурност. Обично готвената храна има рок на траење два часа по пржењето, варењето или печењето. Ако гледате штандови преполни со вкусна храна, која сигурно е на сонце подолго од неколку часа, бегајте подалеку. Незаштитената храна од сончевите зраци е сигурно место за размножување на бактериите.

Свежа храна

Овошјето и зеленчукот се здрави намирници, но не и во земјите каде што водата од чешмите е загадена. Во тој случај, подобро избегнувајте да нарачувате свежи салати или овошни купови. Секогаш консумирајте зеленчук и овошје кој претходно ќе го исплакнете со флаширана вода.