Пат околу светот преку највкусната улична храна

Некои се фотографираат себеси, некои ги фотографираат значајните места кои ги посетуваат во градовите каде што патуваат. Ник Молберг кој е американски софтвер консултант, преку работата има можност да патува ширум светот и да се запознава со различни народи, култури, но и кујната во многу земји.

За разлика од вообичаените фотографии, тој одлучил да ја фотографира специфичната улична храна која е карактерстична за секое место, а во позадина да биде некој пејзаж или глетка по која се препознава градот.

На тој начин привлекол многу следбеници и пријатели на социјалните мрежи кои го следат секое негово патување, преку фотографиите со храната кои тој ги објавува.

Ја има прошетано речиси цела Европа и Америка, дел од Австралија, а наскоро треба да оди во азискиот дел од светот кој му претставува голем предизвик.

Тој не е првиот што си го фотографирал сладоледот во Италија или кроасанот и кафето во Франција, но е прв кој продолжил тоа да го прави насекаде и создал цел серијал со кој го одбележува секое свое патување.

Она што тој го прикажува на фотографиите буквално ви го скокотка стомакот и ви ја буди желбата веднаш да заминете на некое од тие места и да ја пробате храната на фотографиите.

Од обичен ѓеврек до вкусно егзотично овошје,  патувањето преку храната овозможува едно поинакво доживување на различните градови и земји.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•