На англиски чај и парче торта во романтичните 60-ти

Она што го одликува ова место e љубовта кон чајот и сето она што е старовремско или што ви дава чувство како да се враќате во некое минато време.

Желбата за зачувување на британската традиција за попладневна чајанка ги довела сопствениците до идејата за отворање на Sugar Junction, чајџилница и слаткарница во Манчестер, Англија, каде  ќе се чувствувате пријатно.

Орнаменталните тапети од шеесеттите, мебелот од масивно дрво, цветните мотиви на масите и порцеланските сервиси, како и многу други старомодни детали го прават овој простор пријатен и удобен низ кој минуваат мирисите на топлиот чај и слатките тазе печени торти.

Секојдневно на менито има понуда од 25 домашни мешавини чај кои се послужени со специјално традиционално чајно колаче со шлаг и џем, кекси, мафини и разни други колачи.

Освен попладневната чајанка или кафето во кое било доба од денот, во Sugar Junction може да уживате и во интересните сендвичи, омлети или супи кои се идеални за ручек.

Она на што се особени горди се различните видови милкшејк со сладолед и многу вкусен декориран шлаг, послужени во високи чаши со црвено-бела сламка, како во старите филмови.

Мало магично место во кое ќе се вљубите:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•