Најубавите градби скриени во карпи

Извор на моќ, историја, вредност и почит. Слика која веднаш го покачува адреналинот, возбуда која ве држи во неизвесност до последниот чекор.

Градби кои буквално висат на работ на карпите и незамисливо ви е да стигнете до нив, а уште пофасцинантно е како се изградени. Но, денес не само што може да влезете, туку може и да го почувствувате сето тоа.

Бандиагара

Карпите Бандиагара се заштитени од страна на УНЕСКО како едни од најимпозантните африкански карпи и песочни висорамнини со неверојатна архитектура.

Небесните пештери во Непал

Сместени се во срцето на Хималаите, 50 метри над земјата, а целосно се направени од човечка рака. Ги има над илјада, а стари се илјадници години. Зошто се изградени и како, сè уште е мистерија.

Мадара во Бугарија

Ова не е градба, туку огромен релјеф врежан во карпата кој покажува величенствен коњаник, 23 метри над земјата на вертикална карпа висока 100 метри.

Предјамски дворец

Предјамскиот дворец е веројатно најголемата туристичка атракција во Словенија, а подигнат е во 17. век на многу необична локација, на стрмна карпа пред влезот во пештерите.

Пештерата Маијишан

Маијишан е името за вкупно  194 пештери во покраината Ганса во Кина. Овој неверојатен, архитектонски зафат содржи 7.200 будистички скулптури и повеќе од 1000 квадратни метри украсени со ѕидни украси.

Тунелот Голианг

Овој тунел станал вистинска туристичка атракција во Кина бидејќи овозможува спектакуларен поглед на околината. Иако не е многу сигурен и не е граден според познати стандарди, сепак го привлекува вниманието и често е посетен.

Палатата Ал Хајарах

Овој комплекс се наоѓа на карпи, а изгледа како некој изгубен град кој би можел да послужи за некој филм со Џејмс Бонд. Потекнува од далечниот 11. век, а исто така овозможува и незаборавен поглед и фотографски мотиви.