Приватен остров во Хрватска кој може да го изнајмите за 100 евра дневно

Ако имате да издвоите од 70 до 100 евра дневно за вашиот одмор и сакате да имате цел остров само за себе, тогаш погледнете го овој остров на хрватското крајбрежје.

За изнајмување се нуди прекрасниот остров Фарфарикулац, сместен во срцето на еден од најубавите природни паркови во Хрватска, поточно во Телашица на Долгиот Остров. Овој остров се изнајмува во оној период од годината кога не го користат сопствениците, односно фамилијата Басиоли, кој истиот го добиле во наследство.

На самиот остров се наоѓа куќата „Крусо” од 45 квадрати со прекрасен поглед кон синиот Јадран. Инаку сопствениците велат, дека доколку сакате да се почувствувате како Робизон Крусо, тогаш дефинитивно треба да престојувате токму тука.

До островот се оди со моторен чамец, кој исто така им е доделен на туристите кои ќе престојуваат таму, за да не бидат сосема изолирани.

Во последниве неколку години, постојат две бродски линии кои може да ве снабдат со сите потребни намирници додека сте таму.

Островот поседува сѐ што е потребно за еден целосен одмор, па дури и одлична врска со интернет, а во продолжение погледнете ги фотографиите: 

• 
• 
• 
• 
• 
• 
• 
• 
• 
• 
• 
• 
•  

Како ви се допаѓа?