Најубавите скриени улици во Париз низ кои вреди да се прошета

Париз е еден од најпосетуваните градови во Европа, но освен познатите знаменитости овој град има скриени богатства за кои не знаат дури ни тамошните жители...

Овие цветни, весели и шарени улици во Париз се скриени од очите на туристите, па единствено доколку се загубите би можеле да наидете на некоја.

Најубавите скриени улици во Париз се токму овие:

„Notting Hill: Cremieux Street”

Ако сте обожаватели на британскиот главен град, тогаш сигурно ќе се заљубите во овие поплочени улици и куќи во пастелни бои. Оваа улица претставува еден мал и ексцентричен дел од Лондон токму во срцето на Франција.

„Thermopyles Street”

Кога ќе шетате по оваа улица буквално ќе бидете опиени од мирисот на природата. Куќите не се повисоки од 3 ката, а фасадите се украсени со винова лоза. Целата улица изгледа како едно мало и слатко село во големиот град.

„Durmar Cite Street”

Уште позната и како уметничка улица, која е комбинација на зеленила, шарени излози и прекрасни цвеќиња.

„Vignoles Street”

Овој предел е еден лавиринт од слепи улички со куќи кои се изградени уште во 19-от век. Навистина е голема авантура да се изгубиш во овој дел од градот прекриен со зелени оази.

„Mouffetard Street”

Ова е една од најстарите улици во Париз, а ќе ја пронајдете така што ќе ја отворите вратата број 52 покрај тезгите за сувенири на оваа улица и ќе се најдете помеѓу апартмани со бело обоени ѕидови. Шетајќи по оваа улица ќе заборавите дека се наоѓате во голем град.

„Des Peupliers Street”

Уште едно мало скривалиште со куќи како од бајките, изгубени во бујната вегетација. Зад овие дворови очекувајте мирен живот, далеку од париските гужви.

„Moliereov Street”

Оваа уличка постои од 1871-та година, а името го добила по стариот театар кој се наоѓал тука. Станува збор за мирно одморалиште со мали продавници, ресторани и кафулиња. Кафето тука сигурно ќе ви биде големо уживање.