Ај чао! Дал отказ за да го шета светот (видео)
Крег Луис има 26 години и работел како маркетинг менаџер во Атланта додека не решил дека има доволно заработено за да тргне на пат низ светот и да доживее бројни авантури.
Возбудливото патување низ 36 земји му траело околу една година. Претходно како студент имал неколку кратки патувања со другарите по што единствена желба му била да успее да го прошета светот.
За да го оствари својот сон 3 години деноноќно и макотрпно работел и успеал да заработи доволно пари за да може да тргне на пат, но без преголем луксуз.
Пред да тргне решил да даде отказ и да купи билет за патување низ светот со тура од 8 попатни станици.
Патувал и со автобус, спиел по аеродроми се запознавал со луѓе кои му помагаат, но успеал да стигне секаде според планираното.
Не само што патувал туку и доживувал најразлични авантури. Скокал со падобран, пливал со ајкули, бил на сафари низ Танзанија, на журки во Белгија и Хаваи, но успеал и да волонтира во добротворна организација во Африка.
Сето тоа го документирал во едно видео, кое сигурно ќе има продолжение од следните негови станици:
Би можело да ве интересира:
Препорачуваме
Најчитани неделава
