Најубавиот град вo светот е...

Веќе втора година по ред, овој мистичен град ја доби титулата за најдобар и најубав град во светот.

Кјото, јапонскиот град кој веќе втора година по ред, од читателите на Travel+Leisure магазинот доби најмногу гласови.

По собирањето на резултатите од своите читатели кои го претпочитаат луксузот и патувањето, магазинот ги објави резултатите од својата годишна анкета, каде се бираат најдобри хотели, градови, авио-компании и крстарења. Со својот висок резултат, Кјото повторно ја предводи листата.

За разлика од Токио, кој се смета за портал на модерниот урбанистички живот со неопислива енергија, Кјото нуди сосема поинаков животен ритам, а се состои од преку 1000 будистички храмови, Шинто светилишта, зен градини и традиции поврзани со гејшите, при што овој град воедно се смета и за лулка на нивното создавање.

• 
• 
• 
• 
• 
• 
• 
• 
• 
• 
• 
•  

Погледнете кои други градови се најдоа на оваа листа:

• Чарлстон, Јужна Каролина
• Сијам Рип, Камбоџа
• Фиренца, Италија
• Рим, Италија
• Бангкок, Тајланд
• Краков, Полска
• Барселона, Шпанија
• Кејптаун, Јужна Африка
• Ерусалим, Израел

Инаку, на листата за најдобри градови може да се забележи отсуството на топ туристичките дестинации како Лондон, Њујорк,  Париз, како и претставниците на латинските земји.

Во категоријата за најдобар остров, читателите ги одбраа Галапагос Островите, а по нив следат Бали и Малдивите, додека Disney Cruise е избрано за најдобро крстарење со мегаброд.

Во областа за најдобар хотел, Oberoi Udaivilas, сместен во индискиот град Удајпур, претставува вистинско одликување со луксуз. Singapore Airlines се избрани како најдобра авио-компанија, иако се очекуваше наградата да им припадне на некои од Емиратските компании.

Автор: Е.Г