5 најубави плажи на Кефалонија

Кефалонија е остров со бројни плажи кои ги задоволуваат сите вкусови. Без разлика дали сакате плажи полни со луѓе и забава или пак, сакате изолирани плажи за приватно уживање со семејството, тука можете да најдете се на едно место.

Секоја плажа на овој остров е различна и има своја лична магија која можете да ја изберете за да имате незаборавно летно искуство.

Еве неколку предлози:

1. Миртос

Оваа плажа е заштитен знак на Кефалонија со бројни меѓународни награди како една од најубавите плажи на Медитеранот. Покрај тоа, секоја година Миртос добива сино знаме од Грчката национална туристичка организација.

Погледот тука е единствен и со сигурност ќе ви го одземе здивот. Зеленило кое полека преминува во долга песочна плажа која го прикажува крајбрежјето на Јонското море во најдобро светло.

Тиркизната вода ќе ви го направи пливањето како незаборавно искуство во бесконечното синило кое трае до самото заоѓање на сонцето.

2. Антисамос

За гламур и публицитет, Кефалонија може да се пофали со филмот кој е снимен во 2000-та година „Мандолината на Капетан Корнелиј“ токму на оваа плажа.

Како Миртос, така и Антисамос има сино знаме за туристите кои сакаат да го посетат ова место и да уживаат ви бистрата вода.

Пејзажот тука е комбинација од сите нијанси на сино и зелено, со вегетација која речиси излегува од самото море.

3. Петани

„ePiETANoI“ е Хомеров поим кој означува место со изобилие на вода во текот на целата година.

Плажата Петани се состои од фини бели камчиња и кристално чиста тиркизна вода. Патот до плажата претставува место каде природата е единствена и уникатна. Со сигурност ќе ве остави без зборови.

Тука можете да уживате кафе или пијалак на плажа додека го гледате залезот на сонцето.

4. Кси

Плажата Кси е исклучок од сите други плажи на Кефалонија, бидејќи тука нема ниту стрмна карпа ниту длабока вода. Нејзина предност е лесната достапност.

Водата тука е идеална за оние кои сакаат да летуваат со своите деца, бидејќи водата е прилично плитка.

Таа е идеална дури и за оние кои сакаат спа третмани. Целата плажа е црвена благодарение на глината која е застапена во големи количини и за која се вели дека ја чисти и затегнува кожата.

Плажата е добро организирана и на неа можете да бргу да најдете место за паркирање. Има место за забава и рекреација и за љубителите на спортовите.

5. Скала

Кристално чиста вода, вегетација која расте речиси на плажата која е долга преку 3km се неколку причини поради кои Скала е еден од најважните туристички центри на Кефалонија.