Lonely Planet ја објави листата на најдобри дестинации за 2016-та

За оние кои обожаваат да патуваат и често се служат со предлозите на добро познатите интернет страни и списанија за запознавање на светот, оваа листа е идеална. Lonely Planet ги даде своите предлози на места за 2016.

Овој пат, списоците не се направени на основа на туѓите искуства, туку како колекција од места кои туристите би требало да ги посетата оваа година.

Дивина

Боцвана е земја во која можете да уживате во дивиот животински свет, каде можете да видите слонови и антилопи, големите африкански мачки и дивите кучиња.

На листата за посета вметната е и пустината Калахари „култна африканска пространа дивина“.

Следна на листата е малата островска држава Палау каде имате можност да уживате во море од желки.

Бидете пионер

Слоганот на Гренланд е „Бидете пионер“. Ова место можеби не е за сечиј џеб, но во секој случај овозможува неверојатни искуства и погледи кои долго ќе останат во вашите сеќавања.

Следна на листата е и Трансилванија, но не поради својата вампирска митологија, туку поради Карпатите каде имате можност да уживате во пространите пештери, да скијате или планинарите.

Света Елена

Уште едно место кое вреди да се посети и е вметнато во списокот на Lonely Planet е островот Света Елена – местото каде бил протеран Наполеон.

Котор пак е прогласен за најдобар град за 2016-та

Крајбрежниот град Котор неодамна е прогласен како град со најубаво пристаниште според капетаните на крузерите „Royal Caribbean“, а сега се најде на првото место и на листата на Lonely Planet.

Топ 10 земји за 2016

1. Боцвана

2. Јапонија

3. САД

4. Палау

5. Латвија

6. Австралија

7. Полска

8. Уругвај

9. Гренланд

10. Фиџи

Топ 10 региони за 2016

1. Трансилванија, Романија

2. Западен Исланд, Исланд

3. Valle de Vinales, Куба

4. Винските региони на Фриули, Италија

5. Островот Ваихеке, Нов Зеланд

6. Оверњ, Франција

7. Хаваи

8. Баварија, Германија

9. Коста Верде, Бразил

10. Света Елена, Британските територии

Топ 10 градови за 2016

1. Котор, Црна Гора

2. Кито, Еквадор

3. Даблин, Ирска

4. Џорџ Таун, Малезија

5. Ротердам, Холандија

6. Мумбаи, Индија

7. Фриментл, Австралија

8. Манчестер, Велика Британија

9. Нешвил, Тенеси

10. Рим, Италија