Посетете го бисерот на Италија - езерото Комо

Со својата средишна позиција во Ломбардија, ова прекрасно езеро е популарно летувалиште уште од дамнешното римско време, а денес е познато како најатрактивна дестинација за одмор на славните.

Колку езерото Комо е единствено, сведочат и бројните луксузни вили и домови на познатите, како и другите вредни градби во негова околина.

Атмосферата е пријатна и романтична, карактеристична за културно-интелектуалниот живот на Италијанците.

Кога веќе ве убедивме зошто да се упатите кон Комо, еве што сè вреди да погледнете додека сте таму:

Обиколката на езерото со дрвено бротче е најдобриот начин да ги видите речиси сите вили, како и историските градови кои се собрани околу брегот на Комо.

Првата вила која вреди да ја посетите е Villa del Balbianello. Оние кои еднаш стапнале тука велат дека се чувствуваат рајски, бидејќи погледот од секој агол е воодушевувачки. Градините се она што ги импресионира посетителите.

Villa d’Este се наоѓа во Cernobbio и е изградена во 1568-та година. Порано била хотел, се додека во 1873-та година не била пренаменета во место за одмор и уживање со добар поглед. И денес го има заджано оригиналниот, класичен изглед со голема тераса, базен и раскошна градина.

Малото шумско островче Comacina може да го посетите ако сте љубители на добро познатиот традиционален рецепт за кафе, малите ресторанчиња и сакате да прошетате околу куќите на познатите уметници.

Villa Carlotta во местото Tremezzo е изградена при крајот на 17-от век и сега е претворена во музеј каде може да погледнете многубројни скулптури.

Импозантниот поглед од вилата Melzi е исто така уште една работа која не смеете да ја пропуштите.

Градот Комо исто така е дом и на готичка катедрала, чија изградба е завршена во 1700-те години.

М. Д. | Црнобело