7 совети за совршен лет кои не им се познати на повеќето патници

Летањето со авион денес претставува една од најпрактикуваните форми на транспорт, но многу патници не знаат како максимално да го искористат тоа, односно не ги знаат сите корисни совети и правила за летање.

Еве неколку важни совети кои треба да ги имате на ум:

Кога летате високо, температурите се многу пониски отколку на земја

Температурата во воздух може да достигне и од -60 до -65°C, дури и на лето кога често повеќето патници се одлучуваат да патуваат по кратки панталони и маички со кратки ракави. Но, ако сакате да уживате во глетката покрај вас, без да премрзнете, најдобро е со себе да носите нешто потопло.

Одберете чај или сок од домати, наместо кафе или вода

Водата и пијалаците кои се подготвуваат во авионот можат да содржат штетни патогени бактерии како Escherichia coli и Staphylococcus aureus. Па затоа, најдобро е да одбирате жежок чај или флаширана вода која сами си ја отворате или сок, пример од домати.

Помошната подвижна масичка е преполна со бактерии

Без разлика на тоа колку се чисти авионот после секој лет, на овие пластични делови се добираат прашина и бактерии, па најдобро е на истите воопшто да не ставате храна. Ако сепак сакате да ја користите, најдобро е при рака да имате антибактериски влажни марамчиња.

Најдобро е да летате рано наутро

Ако имате можност да одберете кога сакате да летате, најдобро е секогаш да одбирате да летате рано наутро, тогаш летовите имаат најмалку откажувања и плус, ако се плашите, има најмалку турбуленции.

Служењето во последните редови е подобро

Ако сакате да добиете подобра услуга и подобра храна (пример да одберете пилешко, наместо преостанатата риба која се служи за ручек) најдобро е да седите позади, бидејќи во тие редови на стјуардесите им е полесно да донесат порција храна, шише вода или нешто друго и да останат незабележани од другите патници.

Не ја пумпајте комплетно перницата

Не ја дувајте премногу перницата, од притисокот, горе високо може да ви пукне.

Ако имате можност, одберете специјално мени

Дури и да не сте пребирливи, велат дека храната која сте ја побарале од специјалното мени секогаш е повкусна и може да варира.

Н. Г. | Црнобело