10-те најдобри дестинации за женско соло патување

Грција

Ако сте љубители на живописни острови, богата историја и прекрасни цркви, морате да ја посетите Грција. Жителите се секогаш ведри и подготвени да помогнат, па оваа земја е безбедна за патување.

Задолжително посетете некој од многуте острови, прошетајте се по тесните улички полни со продавници и кафулиња и пробајте ги вкусните грчки традиционални специјалитети.

Најдобро време за посета: мај и јуни

Каков превоз да користите таму: за превоз во копнените делови, најдобар е автобускиот систем KTEL.

Јапонија

Има многу причини да ја посетите Јапонија. Тоа е земја со многу бои и богата култура. Посетете го Токио – градот што живее со брзо темпо. На ја заборавајте и прекрасната планина Фуџи на која се наоѓа активен вулкан кој ги инспириран сите кои го посетуваат.

Најдобро време за посета: во март и април ќе можете да уживате во расцветаните дрвја со јапонски цреши, а Токио најдобро е да го посетите од септември до ноември.

Каков превоз да користите таму: во Јапонија, железничкиот систем е мошне развиен, па најдобро е да користите воз или метро.

Хонгконг

Хонгконг се карактеризира со огромни облакодери, првокласни продавници и дизајнерски бутици одлични ресторани. Ако сакате нешто поразлично од сè друго, Хонгконг е одлична дестинација. Кога ќе ви здодее од градскиот живот, посетете ги плажите на островите во близина на градот.

Островот Лама е нешто што мора да се види, како и големата статуа на Буда на островот Лантау.

Најдобро време за посета:  јули и август

Каков превоз да користите таму: најлесниот начин е ако користите градски автобуски превоз кој има линии низ целиот град.

Португалија

Посетата на Португалија е одличен начин да си посветите време за себе. Задолжително посетете го Алгарве – регион познат по многубројните спа-центри и третмани за нега на телото и духот. Традиционалните селца на падините на Монтемуро ќе ве воодушеват на прв поглед, а во долината Коа ќе најдете камења стари повеќе од 10.000 години.

Најдобро време за посета: во пролет, кога целата земја е преполна со шарени цвеќиња или во септември и октомври.

Каков превоз да користите таму: ако патувате со воз, ќе уживате во прекрасни глетки и пејзажи, а и цените на билетите се евтини. Развиен е и автобускиот систем.

Колумбија

И покрај негативните стереотипи кои постојат, Колумбија е земја која вреди да ја посетите, и тоа сами. Огромните плантажи со кафе и прекрасните планини ќе ве воодушеват, а главниот град, Богота, изобилува со шаренолика улична уметност и динамичен начин на живот. Задолжително посетете го Карипското крајбрежје.

Најдобро време за посета: ако одите на море, било кое време во годината е поволно, а ако одите во Богота, најдобро време е од декември до март.

Каков превоз да користите таму: најевтини авионски билети нуди авио-компанијата Viva Colombia.

М. В. | Црнобело