Трикови за пакување од Инстаграм блогерка која заработува од патување

Ели Булен заработува промовирајќи ги своите патувања низ светот на Инстаграм и има одлични трикови за олеснување на пакувањето.

Сезоната на летни одмори се приближува, а со тоа и стресното пакување кога постојано заборавате нешто и во куферот никогаш немате доволно место.

Ели Булен има 25 години, патува низ светот и нејзините авантури на Инстаграм ги следат 680.000 луѓе. Бидејќи постојано е на пат, постојано се пакува и живее т.н. живот во куфери, таа е совршената личност која може да открие некој трик како да си ја олесните процедурата на пакување.

Совети за пакување од Ели Булен:

1. Купете си мали шишенца кои за секое патување ќе можете да ги полните со вашата омилена козметика. Без разлика дали станува за шампон или лосион за тело, повеќе нема да мора да носите огромни пакувања.

2. Испланирајте си ги аутфитите за да не носите непотребно дополнителни парчиња облека.  Исто така, носете парчиња кои можете да ги носите во различни комбинации. Најдобро е да се во неутрални бои.

3. Проверете ја временската прогноза за местото каде патувате за да не мора да носите резервни чевли за дожд или пак чадор, ако нема најава за дожд.

4. Во различни купчиња ставете ги фармерките, шорцевите, кошулите, маичките за кога ќе извлекувате нешто од куферот на брзина да можете лесно да го пронајдете.

5. Ако пакувате шешир најдобро е да го наполните со облека за да не му се упропасти формата во куферот.

С. С. | Црнобело