Куфер vs. рачен багаж: Трикови за полесно пакување при патување со авион


Куфер vs. рачен багаж: Трикови за полесно пакување при патување со авион

За да немате стресови со контролата пред влез во авионот, најдобро е да внимавате на одредени работи при пакувањето.

kufer-vs-rachen-bagaz-trikovi-za-polesno-pakuvanje-za-patuvanje-so-avion-01.jpg

Дали секоја година се соочувате со истиот проблем – премногу работи и куферот едвај го затворате? За да си ги скратите главоболките при пакување за годинешниов летен одмор треба мудро да селектирате што ви е неопходно.

Направете листа што ви е навистина потребно, а што не и патентот на вашиот куфер ќе лизга без мака.

План за пакување за патување со авион:

Документи и картички

- Документите и банкарските картички ставете ги во рачниот багаж и не делете се од нив. Пасошот е задолжителен, а возачката дозвола доколку планирате да изнајмите автомобил.

- За да бидете мирни во печатена форма земете ги и авионските билети и резервацијата за хотелот во кој ќе престојувате. Но, и копии на вашиот телефон ќе бидат доволни.

- Оставете ги дома сите картички за попуст во маркети, здравствената електронска картичка и картичката со која се куцате на работа.

- Сликајте го пасошот со телефон за итна ситуација во случај на губење.

- Земете си водоотпорен несесер во кој ќе ги чувате документите, ќе ви послужи и за чување на парите и телефонот кога сте на плажа.

kufer-vs-rachen-bagaz-trikovi-za-polesno-pakuvanje-za-patuvanje-so-avion-02.jpg

Прва помош и осигурување

- Лекарствата ставете ги во рачниот багаж и ако е потребно понесете го и рецептот од доктор како доказ.

- Со себе задолжително земете лекарства против алергии, аналгетици, јаглен, ханзапласт, памук итн.

- Внимавајте на некои антибиотици и лекарства за спиење, кои може да се легални во една земја, а нелегални во друга.

- Сите лекарства во авионот мора да ви бидат во оригиналното пакување.

- Во авион не смеете да носите топломер со жива, подобро купете електронски.

- Пред патувањето задолжително извадете си осигурителна полиса, бидејќи во случај да имате некој здравствен проблем, кражба или губење на багажот, таа ќе ви биде од корист.

kufer-vs-rachen-bagaz-trikovi-za-polesno-pakuvanje-za-patuvanje-so-avion-03.jpg

Технологија и мапа

- Телефонот и другите гаџети ставете ги во рачниот багаж. Исто така и полначот и екстерната батерија.

- Освен ако не сте блогер или фотограф, најдобро е професионалниот апарат да го оставите дома.

- Нема потреба од печатени мапи и водичи за земјата во која патувате, затоа што вашиот паметен телефон е универзален помагач кој ќе ви помогне во сè. Симнете мапи и апликации кои функционираат офлајн и ќе имате помош за локациите, курсот на валутата, пронаоѓање на билети за сите видови на транспорт итн.

kufer-vs-rachen-bagaz-trikovi-za-polesno-pakuvanje-za-patuvanje-so-avion-04.jpg

Козметика

- Козметиката и предметите како сет за маникир, машинка за депилација и слично ставете ги во куферот.  

- Со вас не мора да земате четка за заби, дезодоранс, пена за бричење, гел за туширање и шампон затоа што можете да купите на местото каде патувате.

- Но, ако земате сите шишиња треба да бидат спакувани во затворена транспарентна торбичка и кога ќе минувате кај контролата на аеродромот мора да бидат извадени од куферот и да поминат посебно на скенер.

kufer-vs-rachen-bagaz-trikovi-za-polesno-pakuvanje-za-patuvanje-so-avion-05.jpg

Предмети за на плажа

- Сите предмети за на плажа ставете ги во куферот.

- Не заборавајте да ги понесете костимот за капење, сандалите за на плажа, очилата за сонце.

- Размислете дали да носите од дома огромна туба млеко за сончање или да си купите на лице место. Исто така и за пешкирите, кои може да ви следуваат од хотелот во кој отседнувате.

kufer-vs-rachen-bagaz-trikovi-za-polesno-pakuvanje-za-patuvanje-so-avion-06.jpg

Продолжува на следната страна...



Би можело да ве интересира:

7 работи кои може да ве убијат на Исланд Плажите со црн песок се магични, но ненадеен бран може да ве повлече кон ледено ...
Работи кои секогаш треба да ви бидат спакувани во рачниот багаж кога п... Независно дали одите на краток или долг лет, секогаш ви се потребни неколку пред...
6 работи кои треба да ги знаете пред да ја посетите Словенија Од недогледни вински полиња до неверојатни национални паркови и езера, зошто Сло...