5 некомерцијални грчки острови за идиличен одмор (ќе се вљубите инстантно)

Кога помислувате на грчки острови, први на памет сигурно ви паѓаат добропознатите Крит, Крф, Амуљани, Лефкада, Санторини, Миконос... Но, дали ги знаете скриените дијаманти на Грција? Ќе се вљубите инстантно...

Без оглед на сè, невозможно е туристот да не се вљуби во кристално чистата вода, белите куќи со сини прозорци и камените улички.

Китнос

Мирен и прекрасен остров до кој е лесно да се стигне. Китнос најчесто е само попатна точка на траектите кои се упатиле на другите острови, односно прво место на Кикладите каде првпат застануваат. Идеално место за оние кои сакаат да поминат одмор сами и да си ги средат чувствата и мислите.

Кеа 

Овој остров е идеално место за оние кои се заинтересирани за нуркање. Се наоѓа во близина на Сунио и исто така е дел од Кикладите. Има остатоци од многу потонати бродови, а најинтересен е „Патрис“, кој потонал во 1860, откако удрил во копното. И што е најдобро, можете да нуркате секој ден и да откривате многу тајни за ова место.

Фолегандрос

Остров кој има околу 1.000 постојани жители и исто е дел од Кикладите. Во суштина, нема ниту траекти кои доаѓаат таму, ниту пак ланец на хотели за туристи, а може да се пристигне само во договор со такси-брод, за одреден надомест или пак со некој од рибарските бродови.

Оние кои биле, тврдат дека таму ги има најубавите изгрејсонца и зајдисонца, но и одлични патеки за планинарење.

Серифос

Карпест и драматичен, со гратчиња кои буквално висат на карпите и изгледаат како да ќе паднат во морето.

Овој остров, кој е дел од Кикладите, има свој аеродром. Располага и со многу туристички капацитети, особено во главниот град Хора.

Сифнос

Остров кој иако добива сè поголема популарност, уште може да се нарече интимно катче на оние кои сакаат мирен одмор. Преполн е со карактеристични таверни, барови, пекарници и слаткарници, особено во главниот град Аполонија и во пристанишното место Камарес.

Мештаните се секогаш спремни да ја споделат својата храна со гостите. Еден од највпечатливите селца таму е Фарос.

Е. Д. | Црнобело