Парче рај на крајот од светот – отпатувајте на Андаманските острови (фото)

Андаманските Острови или Андамани се група од дури 572 островчиња во Индискиот Океан помеѓу Бенгалскиот залив на запад и Андаманското Море на исток.

Порт Блер е главната населба во Андаман и е административен центар на федералната територија. Бројот на жители изнесува околу 315 илјади што го прави ова место ретко населено.

Климата е типична тропска, но не е премногу жешко. Иако секогаш е топло, температурата достигнува од 23 до 30 степени, а во најголем дел од времето провејува свежо ветре од морето.

Андаманите биле користени како значајна метеоролошка точка за набљудување, што го олеснувале движењето низ Индискиот Океан.

Овие острови се дефинитивно оние за кои најмногу се зборува кога станува збор за Индискиот Океан.

А навистина има и зошто, ќе ве дочекаат бескрајни бели песочни плажи, одлични хотели и чувство на опуштеност и релаксација каква што не сте почувствувале никаде претходно.

Андаманските Острови конечно го добиваат вниманието коешто го заслужуваат.

Хотелите кои се градат во последните неколку години се „паметни“, самоодржливи еко-зданија, кои имаат цел да ѝ наштетат што е можно помалку на природата на овој блескав архипелаг.

Целосно извонредниот амбиент нуди стандардно пливање, сончање и нуркање, набљудување на магично осветлените фитопланктони додека поминувате со кајак низ водата, возење со специјален чамец со стаклено дно преку кое може да ја набљудувате флората и фауната под морската шир.

Летањето со падобран, пливањето со слонови (да, со слонови) во водата и уште многу други забавни активности наменети за оние кои сакаат активен одмор исполнет со многу забава и адреналин ќе ве дочекаат на ова мало парче рај на земјата. 

(О)Милена | Црнобело