Локации од култни филмови: Идеални дестинации за секој филмоман

Во еден момент од животот се запрашав, кои дестинации би сакал да ги посетам ако сум голем филмоман? Периодов е таков, опуштен, измислен за долги патишта, за песочни плажи и ладен пијалак, туристички мапи од градови и нотес со забелешки и желби што да се посети.

lokacii-od-kultni-filmovi-idealni-destinacii-za-sekoj-filmoman-01.jpg

Не мора да лутаме настрана, за почеток нека биде Европа како наша одредница, па од тука да почнеме да ги поврзуваме филмовите со реалноста.

Да се наоѓаат сличности помеѓу овие две крајности и да се препознаваат култни сцени од нашите омилени филмови.

Inception

Да почнеме од Париз, кој ако добро се сеќавам е град каде што се снимаат најмногу филмови. Се прашувам само зошто тоа е така?

Град на култура и место каде големи великани имаат живеено - Пруст, Пикасо, Дали... Е, па токму во 15-ти арондисман, попрецизно во едно од најубавите соседства во Париз, како што велат туристите, се наоѓа мостот Bir-Haikem каде е снимена сцената со Леонардо Ди Каприо и Марион Котијар.

destinacii od kultni filmovi vistinsko mesto za sekoj filmoman 5

La Vita e Bella

Роберто Бенини секогаш знае да избере одлични локации за своите филмови, а таков е случајот и со неговиот култен La Vita e Bella, снимен во италијанскиот град Арезо.

Нема сомнение дека Piazza Grande е најграндиозната локација од филмот, но исто така и останатите места низ Арезо го доловуваат тој романтичен елемент каде патиштата на двајцата туѓинци се спојуваат.

FotoJet3311

James Bond - On Her Majesty’s Secret Service

За Португалија може многу да се пишува, а самиот факт што еден од филмовите за Џејмс Бонд е снимен во градот Есторил значи многу за визуелниот дел.

На само неколку километри од Лисабон, поточно во округот на Кашкаиш, кое што јас го нарекувам португалско Монако е вистински рај, зошто не ни можеш поразлично да се чувствуваш на тоа место. Океан, ветер, сонце и плажи исполнети со луѓе.

destinacii od kultni filmovi vistinsko mesto za sekoj filmoman 2

Mamma Mia

Многумина од нас знаат за прекрасните плажи во Скопелос, Грција каде што на времето е снимен филмот Mamma Mia. Не би сакал да ви го одвлекувам вниманието, но самата помисла на тиркизна вода, традиционална кујна и совршена клима ќе ве извлече од стол и ќе посакате да се телепортирате таму.

destinacii od kultni filmovi vistinsko mesto za sekoj filmoman 1

Автор: Евгениј Хоуп | Црнобело

Би можело да ве интересира:

На одмор со Николче: „Бевме во камп во Шпанија - беше поевтино од хотел, на плажите нема лежалки, а ... „Овој летен одмор решивме да го поминеме малку поинаку – далеку од класичните хо...

На одмор со Софија Јанева во Кавала: „Патувавме 6 часа од Скопје со бебе, цените беа умерени, а вода... „Со нас беа и бабите, што ни олесни многу од секојдневните обврски околу нашето ...

10 најубави плажи во Европа за 2025 – три се во Италија, две во Грција Од сите плажи во Италија кои се на листата, сите се на Сардинија и освојуваат со...