Најубавите плажи на Јадран, по изборот на француски Vogue

Бистро море, карпи кои кријат неодоливи песочни плажи, гастро уживања, острови кои мамат со прекрасна природа... ова се само дел од причините зошто следниот летен одмор да го испланирате на некоја плажа на Јадран.

Со одличната репутација, плажите околу Јадранското Море се најдоа во францускиот Vogue.

Престижниот магазин порачува задолжително барем еднаш во животот да ги посетите:

Плажа Zlatni rat

Една од најпознатите плажи во Хрватска, не само поради тиркизното море, туку и поради необичниот облик.

Плажа Punta Rata

Сместена на Макарската ривиера, плажата Punta Rata е доказ дека медитеранскиот рај постои. Ситен песок во комбинација со борови и карпи е она што ќе пронајдете таму.

Плажа Betina špilja

Недалеку од Дубровник, добро скриена под карпите, се крие плажата до која може да дојдете само по вода, пливајќи, со кајак или брод.

Плажа Stiniva

Сместена во мирно подрачје на островот Вис, пристапот е прилично тежок, но тоа е само уште еден плус, бидејќи е едвај допрена од човекот.

Плажа Little Green Bay

Истоимениот хотел Little Green Bay има една од најубавите плажи во целиот регион. Таму може да уживате под дрво со маслинки, на удобни лежалки, а може и да изнајмите маски за нуркање.

Плажа Nugal

Уште една бајковита медитеранска дестинација на брегот на Макарска. Сместена помеѓу карпи и зеленило, нуди апсолутна тишина.

Плажа Dubovicа

На островот Хвар, се наоѓа оваа плажа скриена од ветар, морето е чисто и мирно и е одлична за авантуристи кои сакаат да ја истражуваат околината.

Плажа Banje

Нуди панорамски поглед на стариот град во Дубровник и е една од најпознатите во регионот. Ако се одлучите да одвоите малку повеќе пари, може да си резервирате и лежалки, за да бидете во првите редови до морето.

М. Д. | Црнобело