Календар на природни феномени што се гледаат само во одреден период од годината

Јули: Полноќно сонце

Полноќното сонце е неверојатен феномен и можете да го видите јужно и северно од Арктичкиот круг, во текот на летото.

Бидејќи оската на Земјата е накривена, Северниот пол е свртен кон сонцето. Резултатот е неверојатен ефект – сонцето не зајдува неколку недели.

Локација: Норвешка

Кога: Од јуни до август

Август: Езерото Осојус

Во летните месеци, кога температурите се високи, ова езеро ја менува својата боја, па дури и својата форма.

Како што испарува водата, на езерото почнуваат да се забележуваат кружни формации од сол и други минерали. Ова создава дезен на површината, што изгледа како леопард.

Сред лето, езерото може да стане и целосно бело.

Локација: Британска Колумбија, Канада

Кога. Од јули до август

Септември: Соленото езеро Јунченг

Водите на ова кинеско езеро покажуваат цел спектар на бои – од зелена и жолта, па сè до розова.

Боите се резултат од алгите кои цветаат во езерото. Иако езерото секогаш изгледа спектакуларно, боите се најмногу изразени наесен.

Локација: Јунченг, Кина

Кога: Од септември до октомври

Октомври: Течното виножито во Кано Кристалес

Ова е уште една неверојатна глетка предизвикана од алги.

Кано Кристалес е река во Колумбија која изгледа како течно виножито. Можете да уживате во оваа глетка од мај до декември, но боите се најизразени во есен.

Локација: Колумбија

Кога: Од октомври до ноември

Ноември: Расцутената пустина Атакама

Кога ќе слушнете за пустина, сигурно си замислувате многу песок. Но, ова не важи за сите пустини, а една од нив е Атакама.

Иако ова место е навистина суво, доколку има обилен дожд, може да се претвори во ливада, и тоа преку ноќ.

Само имајте на ум дека пустината цути на секои 4-5 години, а последен пат ова се случи во 2017-та.

Локација: Чиле

Кога: Од септември до ноември

Декември: Камења што се движат

Во Долината на смртта изгледа како камењата да се движат самите.

Овие камења се проучувани уште од 1900-тите, а научниците веруваат дека нивното движење е поради совршената хармонија помеѓу водата, мразот и ветрот, кои се појавуваат во зимските месеци.

Тенкиот слој мраз под камењата им помага да се придвижат, дури и од најслабиот ветар.

Локација: Долина на смртта, Калифорнија, САД

Кога: Од декември до февруари

Спирова С. | Црнобело