Зошто Париз засекогаш ќе остане најромантичниот град?

Појадок во некое кафуле во ќошот на некоја мала уличка, ручек во „Le Procope“, пикник на некоја клупа во близина на Ајфеловата кула...

Сите едногласно можеме да се согласиме дека Париз засекогаш ќе остане најромантичниот град во светот. Кога помислуваме на Париз, помислуваме на романтика, љубов и софистицираност.

Неколку причини зошто Париз засекогаш ќе остане најромантичниот град:

Неверојатната француска кујна

Дали сте слушнале за ресторанот „Le Procope“ најстариот ресторан во Париз? Одлична идеја е таму да се отиде на романтична вечера. Отоврен е во 1686-тата година и ентериерот внатре е софистициран за да одговара на самата кујна.

Виното

Франција е една од најголемите производители на вино во светот. А, не можете да отидете во Париз без да пробате некое од квалитетните вина со кои располага. Романтична вечера, квалитетно вино и убав поглед, зарем е потребно повеќе?

Малите испреплетени улички низ градот на светлината

Особено неописливо чувство будат малите улички во Париз. Градени на многу уметнички начин, со кафулиња и слаткари во секој ќош, секој треба барем еднаш во животот да си дозволи да се изгуби во убавината на овие мали, испреплетени улички.

Преубавиот плоштад

Париз е надалеку познат како градот на светлината. А, една од причините зошто е вака наречен е самиот плоштад. Плоштадот на Париз зрачи, во буквална смисла на зборот. Невечер доловува една навистина ретка глетка испреплетена со светилки кои доаѓаат од сите страни.

Џезот на улиците

Дури и улиците во Париз зрачат од романтика. Зарем има поромантичен жанр во музиката од џезот? Едноставно романтиката во Париз е насекаде. Во рестораните, низ улиците, помеѓу луѓето...

Терасите од зградите кои самите по себе говорат за љубов

Терасите во Париз се препознатливи по тоа што на нив секогаш има мала округла маса и две столчиња. Многу честа глетка која може да се види во овој град е како љубовен пар седи на овие две столчиња кои се поставени очи во очи и разговара.

И се разбира Ајфеловата кула

Колку предлози за брак се понудени токму пред Ајфеловата кула не може ни да се изброи. Самата по себе таа носи некоја елеганција и некој нежен тон на романтика која ниту една друга знаменитост не може да го долови.

Поставена на плоштадот во Париз и таа навечер е „облечена“ во светилки.

Т. Ѓ. | Црнобело