Музеј на тортура, фалолошки егзибиции – необични музеи кои може да ги посетите

Велат дека авантурите не мора секогаш да се случуваат надвор. Тие можат да се остварат и во затворен простор. 

Музеите за среќа ја имаат таа привлечност да те нурнат во една поинаква состојба и да те придружуваат низ фрагментирано патување низ историјата.

Освен што ќе имаш можност да ги погледнеш работите од поразлична перспектива, на еден начин ти претставува и должност да научиш нови работи и да откриеш непознати светови.

На крајот од денот во тоа се состои убавината на секое патување. Да не се лажеме, списокот на необични музеи е навистина долг.

Ако сте во недоумица, нашите предлози се тука да ви помогнат да одлучите што следно да посетите:

Пластинариум

Откако 39 години студирал медицина, дисекција и хемија, Гунтер фон Хејнс ја усовршил пластинацијата – процес во кој со помош на полимер се зачувува човечкото ткиво и во Губен, Германија решил да отвори музеј.

Внатре се наоѓаат изложени животни и луѓе во различни креативни пози, кои ја соголуваат човечката анатомија.

Фалолошки музеј на Исланд

Ова е навистина необичен музеј во Рејкјавик. Таму се изложени повеќе од 200 пениси и негови делови на разни копнени и морски цицачи. Ќе налетате на пениси од китови, слонови, моржови… 

Сигурир Хајтарсон стои зад овој музеј, кој во 1974 година почнал да собира пениси на китови, а во 1990 година официјално го отворил.

Музеј за тортура

Во срцето на Амстердам, покрај водените канали, барови и хотели, постои еден музеј посветен на злото, поточно музеј на тортура.

Ќе ви биде обезбедено едно патување низ црните европски векови и таму се изложени 40 инструменти кои се користеле за мачење. Страшно!

Музејот Чарлс Дикенс

Списокот да го завршиме со нешто секојдневно. Ако сте љубител на делата на Дикенс и уживате да се изгубите во неговите живописни градови и волшебни празници, тогаш кога ќе го посетите Лондон треба да одите и во музејот посветен на овој книжевен великан.

Просториите се исполнети со над 100.000 различни артефакти, ракописи па сè до уметнички дела од и за славниот писател. Препрочитајте ја уште еднаш „Оливер Твист“ пред да стапнете во музејот.

Автор: Х. Е. | Црнобело