6 работи што не сте ги знаеле за земјата во која мажите сакаат да носат „здолништа“

За Шкотите е познато дека носат килт, а правилата велат дека под килтот не се носи - ништо. Традицијата на облекување на килтови потекнува од војската. Оние што биле фатени со долна облека, морале да ја предадат. 

Со текот на времето, ситуацијата се смени. Но што точно знаеме за Шкотска? Освен предрасудите дека жителите се сиромашни, дека носат килтови и дека не ги сакаат Англичаните.

Следниве работи ќе ве изненадат, а можеби и малку поинаку ќе ја гледате Шкотска.

Неси не е единственото чудовиште од езерото

Многумина слушнале за легендарното чудовиште од езерото Лох Нес, познато по неговото едноставно име - Неси. Неси е вистинска атракција, но дали знаевте дека Неси има роднина која живее во езерото Морар, што се вика Мораг?

Мораг е „виден“ досега 34 пати, додека езерото Нес многу луѓе го истражувале, езерото Морар не е толку популарно, па којзнае, можеби има нешто таму...

Земја на црвенокосите

Колку црвенокоси луѓе познавате? Можеби неколку а можеби и ниту еден. Па, ситуацијата е многу различна во Шкотска. Додека во светот црвенокосите луѓе сочинуваат од 1 до 2 проценти, во Шкотска дури 13 проценти од луѓето ја имаат оваа боја на коса.

„Не е докажано“

Од 17 век шкотскиот судски систем има три вида пресуди - виновен, невин и не е докажано. Третата опција обично се користи кога судот не може да докаже нечија вина или невиност.

Сини светла

Сините светла на улиците на Глазгов се поставени за подобрување на целокупниот изглед на градот, но истражувањата покажале многу интересни работи поврзани со нив. Поточно, откако се поставени сините светла, се намалил бројот на злосторства и самоубиства.

Психолозите ова го припишуваат на фактот дека синото е честопати поврзано со полицијата, што ги прави луѓето повнимателни.

Бонибриџ, село кое го посетиле вонземјани

Шкотска е толку популарна кај туристите што ја посетуваат дури и вонземјаните, така што повеќе од 300 луѓе годишно пријавуваат дека виделе НЛО. Да речеме дека Бонибриџ е рекордер во овие видувања.

Земја на острови

Шкотска може да се пофали со голем број острови. Вкупно има 790, а населени се само 99. Мнозинството живее на северот на Велика Британија.

Ашера | Црнобело