Колку бакшиш да оставите, дали да се прегрнете - грешки кои не треба да ги правите на патување

Една од најголемите заблуди на туристите ширум светот е дека истите правила на однесување важат и за нивната и за земјата во која патуваат.

Затоа многу луѓе паѓаат во проблеми кога прават нешто несоодветно, иако тоа може да биде едноставен гест.

Локалното население ваквите активности ги гледа со неодобрување или гнев, па затоа треба навремено да се запознаете со културата на земјата во која патувате.

Ова се најчестите грешки што ги прават туристите:

Правила при оставање бакшиш

На територијата на Северна Америка, оставањето бакшиш на келнерот се смета за задолжителен гест, без разлика дали сте задоволни или не од услугата. Од друга страна, во Италија бакшишот обично се вклучува во цената, а дополнителна сума честопати се смета за навредлива.

Во делови од Кина и Јапонија, оваа не е вообичаена практика. Во Нов Зеланд не се очекува да оставите бакшиш, освен во ситуации кога некој се обидува да ги исполни специфичните барања на гостите.

Бидејќи разликите во доживувањето на овој гест се големи, најдобро е да се информирате како треба да се однесувате во земјата во која сте.

Правила за користење на рацете

Во зависност од земјата во која се наоѓате, дури и мал, невнимателен потег може да ви предизвика проблеми. Она што е сигурно е дека посочувањето со прстот кон другите се смета за неприфатливо речиси секаде.

Во Западна Европа постојат движења што се сметаат за негативни, како кревање на палците. Кога сакате да покажете насока, најдобро е да ги користите вашите раце на незабележлив начин.

Правила за одржување на дистанца

Жителите на поголемиот дел од Америка се сметаат за гостопримливи и немаат проблеми со оставање бакшиш или прегрнување на странци.

Сепак, жителите во поголемиот дел од Европа веруваат дека допирањето со друго лице е резервирано за пријателите и членовите на семејството. Поточно, ракување е доволно но не и секогаш потребно, а прегрнувањето и другите форми на блискост не се добредојдени кога станува збор за странци.

Оваа одбивност е оправдана, бидејќи секогаш постои можност за грабеж или повреда.

Ашера | Црнобело