5 англиски села кои изгледаат како да излегле од романите на Агата Кристи

Иако Лондон е најатрактивната дестинација во Велика Британија, има нешто што едноставно ги воодушевува посетителите на британските села.

Еве неколку од најинтересните автентични, но и уникатни села, кои се истакнуваат со нивниот британски шарм:

Место со необична колекција

Во областа Котсволд Хилс во Глостершир се наоѓа зелено село со типични камени куќи, чиј шарм го пополнува интересна викторијанска црква. Ова британско село е познато по прекрасните полиња со лаванда и колекцијата на ексцентричниот Чарлс Вејд.

Оваа необична колекција од играчки, мебел, музички и други предмети од овој познат архитект, поет и колекционер е отворена за посетителите.

Родното место на познатиот поет

Селото Грасмир е дом на поетот Вилијам Вордсворт. Сместено е во округот Камбрија, во рамките на планинскиот предел на Лејк Дистрикт.

Ова симпатично село може да се пофали со наградуваната продавница за чоколади The Chocolate Cottage, како и светски познатата продавница Sarah Nelson's Grasmere Gingerbread.

Изградено според италијанските села

Селото Портмеирион во Јужен Велс било дизајнирано во 20 век, од страна на ексцентричниот британски архитект Сер Вилијамс-Елис, и тоа во стилот на италијанските села. Во селото владее посебна медитеранска атмосфера, со богато украсени градини и архитектонски стилови од класицизам, па сè до барок.

Најубавото село во Англија

Комбе е село кое честопати се нарекува „најубаво село во Англија“ и се наоѓа во Котсволдс. Често се користи како локација за снимање филмови поради својата историја. Домашните колачи, слатките, свежото цвеќе, како и прекрасниот поглед, ги воодушевуваат сите посетители.

Домашна атмосфера

Опкружено со зелени полиња и цветни ливади, селото Аскриг во Јоркшир Далс е познато по своите штали од 18 век, шармантните продавници и фантастичните англиски пабови кои служат традиционални јадења и локално пиво.

Пријатната атмосфера на овие места и угостителството се дел од нештата што треба да се доживеат.

Ашера | Црнобело