Вљубените канделабри: клупа која крие романтична приказна

Во малата зелена оаза на хотелот Sundial Boutique Hotel во Загреб, вниманието е свртено кон двете вљубени канделабри на клупата.

Шармантната приказна за овие светилки ја раскажува директорот на хотелот Антонио Кризиќ.

„На почетокот, овој хотел се викаше Sundial Garden Rooms, па сакав да имаме убава градина. Поставивме осветлување, го уредивме паркингот и сместивме една клупа. Секоја вечер ја поливав градината.

Забележав дека секој ден двајца млади седат прегрнати на нашата клупа. Прво мислев дека се од нашите гости. Но, подоцна сфатив дека доаѓаат од надвор. Момчето доаѓаше со велосипед, а девојката пешки.

Еднаш таа ме сретна и ме праша дали можат да доаѓаат и да си седат на клупата. Секако дека им дозволив. Ова траеше цело лето. Веќе се навикнав на нивното присуство.“

Кога ги здогледал еден ден дизајнираните заљубени канделабри, директорот на хотелот со задоволство ги купил и ги поставил на оваа клупа.

„И ние светиме кога сме заљубени. Овие ламби ме потсетија на младиот пар, а им се допаѓаат и на сите гости. Ова е омилено место за фотографии во нашата градина“.

Прочитајте и: Бесконечно морско синило – Инстаграм профил ве води на прошетка низ хрватските плажи (фото)

Е. П. | Црнобело