7 уредени ски патеки на 1.744m н.в. - на скијање на Голија, во близина на Ивањица во Србија

(Комерцијален текст) Интересните доживувања од семејните патувања остануваат како драгоцени сеќавања на вашите најмили и со години се прераскажуваат со ист жар. Покрај неколку големи скијачки центри, Србија може да ви понуди и помали, но подеднакво шармантни дестинации за зимски одмор со семејството – Гоч, Дивчибаре, Златар и Голија.

фото: Dragan Bosnić

Покрај сето она што го нудат зимските спортови, ќе уживате во природните убавини, културно-историските знаменитости и во надалеку познатата трпеза.

Паркот на природата ГОЛИЈА е планина позната по питомоста, по богатите и практично недопрени шуми поради што е прогласена за резерват на биосферата Голија – Студеница под заштита на УНЕСКО.

фото: M. Ostojić

Голија, оддалечена 32 км од Ивањица, е соодветна за скијање бидејќи зимите изобилуваат со снег што може да се задржи и до јуни, а патеките се секогаш добро уредени. Ски-центарот „Одвраќеница“ е сместен на 1.744 метри надморска височина и располага со седум патеки, кои со својата конфигурација се соодветни како за почетниците, така и за рекреативците. 

Golija, Dajićko ezero foto: M. Ostojić

Golija, Dajićko ezero foto: M. Ostojić

На оние што сакаат да шетаат и да одржуваат кондиција на располагање им е патеката на здравјето, како и јасно обележаната планинска патека, со должина од 9 км што води директно до врвот, до Јанков камен.

Оваа планина во југозападниот дел на Србија во себе чува исклучителна убавина на природата, но и на уметноста. Манастирот Студеница од 12 век, исто така, на листата на УНЕСКО, бил центар на српската средновековна држава, а неговите фрески претставуваат еден од најубавите примери на монументалното византиско сликарство.

Golija, put preko brdo, Odvdraćenica, foto: M. Ostojić

Манастирот Градац од 13 век е задужбина на српската принцеза Јелена Анжујска, која во себе ги спојува особините на византиската и романичката уметност.

Ivanjica centar, foto: M. Ostojić

Кога ќе се изморите од скијање, во самото место Ивањица посетете ги „старата чаршија“ со хидроцентрала од 1911 година, споменикот на револуцијата, камениот мост од 1904-1906 година – најголемиот еднолачен мост на Балканот, црквата „Св. цар Константин и царица Елена“.

Stari kameni most Ivanjica, foto: M. Ostojić

Sneg u Ivanjici, foto: M. Ostojić

По лекциите по историја и уметност со вашите деца појдете во Хаџи – Продановата пештера што е уредена за посетителите.

По рекреацијата и игрите на снег вас и вашите деца ќе ве стопли некое од јадењата од прочуениот ивањички компир.

Ivanjica reka Moravica, foto: M. Ostojić

Ivanjica Gradski park, foto: M. Ostojić

За повеќе информации посетете ја веб страната: www.serbia.travel и https://ivatourism.org/sr/. Патувај одговорно! #seeserbia