Како сцена од Game of Thrones – Спомен-костурницата на Зебрњак, кумановско, е необична филмска глетка (фото)
Спомен-костурница на ридот Зебрњак е монументално и триумфално спомен обележје кое е подигнато во чест на загинатите српски војници во текот на Кумановската битка во Првата балканска војна во 1912 година.
Споменикот е свечено осветен на 31 октомври 1937 година, на 25-годишнината од победата во Кумановската битка. Изграден е на ридот Зебрњак, највисоката точка на кумановските воени места.
За време на осветувањето во костурницата се положени посмртните остатоци на околу 400 припадници на српската војска кои до тогаш биле чувани во манастирот Свети Ѓорѓи, недалеку од костурницата (во Старо Нагоричане).
Споменикот на Зебрњак е изграден од најтврд базалт и армиран бетон. Имал облика на кула со висина од 48,5 метри. Тоа бил убедливо највисокиот споменик не само на територијата на Кралството Југославија, туку и на целиот Балкан.
Монументалниот споменик на ридот Зебрњак кај Куманово е срушен на самиот почеток на Втората светска војна. Експертите на Републичкиот завод за заштита на спомениците за култура, во Белград во 1985 година го реализирале проектот за заштита на објектот на Зебрњак во дадена состојба.
Ова е неверојатна глетка која многумина не веруваат дека се наоѓа во Македонија.
Костурницата на Зебрњак во кумановско дефинитивно треба да се најде на списокот на места за задолжителна посета. Бидејќи фотките се филмски и волшебни:
https://www.instagram.com/p/COYIL2MLAAt/
https://www.instagram.com/p/COIzGp2LRhY/
https://www.instagram.com/p/CLXp3MCn2KT/
https://www.instagram.com/p/CG-Fm5hr-um/
(О)Милена | Црнобело
Би можело да ве интересира:
Препорачуваме
Најчитани неделава
