„Бев во Занзибар, остров во Индискиот океан - локалците се пријатни, има желки стари и по 100 години и џунгла со зачини“
Спонзорирано од:
Спонзорирано од ОгласиЗаРабота.мк
Менаџер 20-09-2021


„Бев во Занзибар, остров во Индискиот океан - локалците се пријатни, има желки стари и по 100 години и џунгла со зачини“

Да, ми требаше неколку дена за да се соземам од патувањето и, еве, пак не знам точно од каде да почнам со раскажување. Тие две недели доживеав толку многу нови искуства, што секое од нив сака гласно да биде споделено.

zanzibar prijatni lokalci zelki stari i po 100 godini djungla so zacini i indiski okean 10

Вечерта пред да летам за Занзибар, спиев едвај два часа. Тоа, барем кај мене, секогаш е така пред повозбудливите патувања. На скопскиот аеродром, во осум ипол сабајле се најдов со остатокот од групата, па сите заедно летавме за Истанбул, каде имавме пауза од добри пет-шест часа.

Иако бев уморен, не ме држеше место. Поминав низ секоја продавница, измешав различна храна, испив неколку турски чаја и така со книгата „Трагачот“ од Тана Френч се сместив на своето седиште до прозорчето кое гледаше директно на авионското крило. За време на целото патување си калкулирав во себе. ОК, уште седум часа. Шест. Пет…

zanzibar prijatni lokalci zelki stari i po 100 godini djungla so zacini i indiski okean 5

Нешто пред три по полноќ слетавме во Стоун Таун. Концентрацијата ми беше на ниско ниво, едвај ги внесував податоците на еден формулар со кој требаше да извадам виза, која чини 50 долари.

За среќа, пасошката контрола помина брзо и излегов од најмалиот аеродром на кој некогаш се имам најдено. Таму, на паркингот нè чекаа нашите водичи: Јелена Јовиќ и локалецот, Рамадан, а за сите познат како Рама.

zanzibar prijatni lokalci zelki stari i po 100 godini djungla so zacini i indiski okean 3 copy

Штом влеговме во комбето за трансфер до хотелот, водичите ни напоменаа да пиеме исклучиво флаширана вода, па дури и забите да не ги миеме со онаа од чешма. Ама мислам дека ништо страшно немаше да се случи, зашто по неколку дена престанав да ги почитувам препораките.

Веќе почна да се разденува кога со дел од екипата се сместиме во хотелот Smiles Stone Town, а останатите заминаа во друг. На мое изненадување, по неколку часа ме разбуди врева која доаѓаше од улицата, зашто нашиот хотел се наоѓаше веднаш спроти пристаништето.

Долу, под балконот брзо поминуваа мотори и по некој автомобил, се довикуваа мештаните од една до друга страна на улица, продаваа работи, нудеа, се пазареа… Самата ситуација ме расони и откако појадував со неколку луѓе тргнавме да ги истражуваме уличките на Стоун Таун.

zanzibar prijatni lokalci zelki stari i po 100 godini djungla so zacini i indiski okean 6 copy

Во ова мало гратче, скоро отцепено од светот, сè е толку поразлично од она што претходно го имам видено. Пред сè е пријатно и автентично на свој начин. Го гледаш, го дишеш и чувствуваш Индискиот Океан. Иако е отфрлено, сепак е исполнето со убавина која треба да ја пронајдеш самиот.

zanzibar prijatni lokalci zelki stari i po 100 godini djungla so zacini i indiski okean 7 copy

Продолжува на следната страна...



Би можело да ве интересира:

7 работи кои може да ве убијат на Исланд Плажите со црн песок се магични, но ненадеен бран може да ве повлече кон ледено ...
7 работи кои не смеете да ги правите кога сте во Грција Како и во секоја друга земја, така и во Грција постојат правила кои не смеат да ...
Работи кои секогаш треба да ви бидат спакувани во рачниот багаж кога патувате со авион Независно дали одите на краток или долг лет, секогаш ви се потребни неколку пред...

Најчитани неделава

sonovnik-sidebar.jpg