Вевчанските Извори периодов се како сцена од најубавата снежна бајка - Вевчанци горди на нив (фото)
Вевчанци гордо споделуваат како изгледаат Вевчанските Извори во зимско руво – дефинитивно мевлем за очи и душа.
Вевчанските Извори се сместени на источните падини на планината Јабланица, кај селото Вевчани, на надморска височина од 900 метри.
Главниот извор е сместен во отворот на пештера. На десетина метри подолу, се наоѓаат неколку постојани извори кои подземно комуницираат со главниот извор.
Вевчанци се особено горди на нив, па така периодов споделуваат каква снежна бајка владее таму.
Најмногу нè воодушевија фотографиите на Ивана Шутиноска (34) од Вевчани, преведувачка по професија, чие хоби е фотографијата, па ја исконтактиравме за CRNOBELO.com да ја долови атмосферата оттаму:
„Ако сакате да уживате во прекрасна природа, да дишете чист планински воздух, да се напиете чиста изворска вода и да почувствувате вистински душевен мир, посетете ги Вевчанските Извори. Ќе ве пленат со својата убавина во сите четири годишни времиња, а во зима ќе се почувствувате како во вистинска бајка. Јас ги обожавам.“
Со дрвја чии гранки се натежнати од снег и живописни пејзажи, Вевчанските Извори дефинитивно се добра дестинација и во зимскиот период.
Како изгледаат Вевчанските Извори во зимската сезона:
https://www.instagram.com/p/CZDEexXMpN_/
С. С. | Црнобело
Би можело да ве интересира:
Препорачуваме
Најчитани неделава
