Македонка живееше 2 седмици со некои од најизолираните африкански племиња во Јужен Судан (фото+видео)

По 2 седмици минати во живот во сурови услови со припадници на африканските племиња, Билјана посети познат ресторан во Јужен Судан каде јадела козјо месо зачинето со пикантни муви, а оттаму со уникатен превоз пристигнала до Џуба, главниот град на Јужен Судан.

Билјана Јуруковски е македонска фотографка и уметница која живее во Австралија, но постојано патува низ светот и низ својот објектив доловува неверојатни сцени. Нејзините фотографии неретко се наоѓаа во најпознатите светски магазини од типот на „Тhe Guardian“.

фото: Фејсбук Билјана Јуруковски

Потекнува од Прилеп и има посетено многу земји досега.

фото: Фејсбук Билјана Јуруковски

Моментално Билјана престојува во Јужен Судан. Оттаму прикачува фотографии и видеа на Фејсбук, но откри и дека 2 седмици била сосема на страна од цивилизацијата минувајќи време со некои од најизолираните африкански племиња.

Со членови од едно племе таа дури сними и видео порака во која вели:

„Испраќаме љубов кон светот заедно со Џие луѓето и порака дека пред сè треба да бидеме хумани и приземјени. Да ги прифатиме другите без разлика кои сè, односно без разлика кој статус го имаат во општеството и да ги зачуваме вредностите на почит и љубов.“

Билјана откри дека племињата живееле во навистина сурови услови, без вода.

По 2-те седмици со племињата, таа откри дека пристигнала во цивилизација и ручала во еден од најдобрите рсторани во Капоета, град во Јужен Судан:

„Јужен Судан ја преживеа Биби. А јас сум исто здрава и жива и уште многу, многу побогата, со нови пријатели и искуства. Денес пристигнавме конечно во цивилизација после 2 недели поминати со некои од најизолираните племиња и еве малку и јас да се пофалам дека ручам во еден од најдобрите ресторани во Капоета. Муназ ресторан.

За ручек супа од коза, пржено козјо месо, зачинето со пикантни муви и грав.“

Потоа таа откри дека отпатувала на друго место, поточно во главниот град на Јужен Судан, Џуба, но со уникатен превоз:

„Безбедно стигнавме во Џуба, малку стегнати во авиончето кое е наменето за 12 патници а бевме 16, но тоа ти е Африка, очекувај го неочекуваното.“

Фотографии од нејзиниот престој таму, кои ги објавува на својот Фејсбук профил:

С. С. | Црнобело