Пролет во културната престолнина на Европа

Природно, пролетта кај сите нас буди нова енергија, полет, радост. Ако радоста е дополнета со мирисот на фрушкогорската липа, отсјајот на сонцето на површината на Дунав, фестивалските поворки на Змејските детски игри или аплаузот што се слуша од Стеријиниот театар, тогаш тоа е најдобрата пролет што можете да си ја допуштите. Бидејќи таа е единствена и секогаш различна, новосадска пролет.

Во текот на оваа година, кога Нови Сад е културна престолнина на Европа, нè очекуваат бројни настани, програми, а пред сè фестивали. Во текот на пролетната програма, Иднината на Европа, обрнете внимание на бројните програми за млади, како „Растење во Градот на културата“, интересни изложби, театарски гостувања и циркуски точки.

Oваа година весниците на пролетта во Нови Сад ќе „втрчаат“ со Новосадскиот полумаратон, ќе прошетаат по пистата на „Serbia Fashion Week“ и по сцената на Стеријин театар, ќе посетат неколку новосадски ноќни базари, ќе го посетат најголемиот саемски настан во Србија – Земјоделскиот саем и ќе бидат дел од трката со велосипеди за рекреативци на првиот натпревар „Tour De Fruška“, па и на планинарскиот маратон на Фрушка Гора.

Во Нови Сад, пролетта традиционално се испраќа со весела фестивалска поворка со мали деца во текот на Змејските детски игри, а летото традиционално го започнуваме со чаша вино и звуци на џез нa плоштадот Слобода кога се одржува „Interfest“.

И така, маѓепсани од мирисот на липите од Фрушка Гора и веселата фестивалска атмосфера, можете да изберете од некој од бројните салаши, чарди или ресторани, како место на разделба со Нови Сад. Овде, накратко пробајте некои од најдобрите салашки специјалитети како „Попај салата“, свеж зеленчук, младо сирење и сè она што ја краси пролетната трпеза.

Oва може да биде единствена можност да пробате некое од фрушкогорските вина кaкo што се сила, неопланта, сланкаменка, мерло, португизер, а аусбрух или бермет се посебно интересни сорти за љубителите на десертни вина.

По пристигнувањето во Нови Сад, посетете го инфо центарот на Туристичката организација на градот Нови Сад на плоштадот Слобода или кај железничката станица, земете некоја од бројните бесплатни брошури и започнете ја својата авантура во овој шармантен град во Војводина и со нашите предлози креирајте го својот пролетен викенд во Нови Сад и околината.