Бев во Италија, ги посетив Венеција, Верона, Трст и Милано и не можам да одвојам фаворит – магични се

Потоа, следеше Милано. Толку голем, но толку зелен, навистина светски.

Но, уште помагичен заради тоа што ми ја прикажа страста на Италијанците како за животот, така и за спортот.

Токму тогаш клубот Милан ја водеше својата битка за да стане нов шампион во италијанската серија А, а срцата на навивачите чукаа во ист ритам, за победа. Не сум спортски фан, но еуфоријата и тоа како ме преплави.

Нормално ништо без совршениот италијански сладолед, Миланската катедрала – Дуомо, како и галеријата Виторио Емануеле II. Центар на модата дефинитивно!

И, се разбира, магичната Венеција, со сите ресторанчиња со цвеќе крај каналите, италијанските десерти, гондолите, шарените згради, живописните мостови, нема конкуренција.

Ми се допаѓа народот, ми се допаѓа енергијата, ми се допаѓа убавината која е на секој чекор.

Секое ќоше на Италија е приказна за себе. Секој што бил знае, зарем не?

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело