Jалова – скриеното приморско село што го нарекуваат грчко Мајами, идеално за посета во август или во септември
Приморското село Jалова сместено на западниот брег на островот Пелопонез е идеално место за одмор во втората половина на август или во септември. Заради кристално чистите плажи, природниот резерват и природните убавини, ова место го носи епитетот грчко Мајами.
Приморското село Jалова (Gialova) е едно од помалку познатите туристички места на островот Пелопонез, а угледниот британски весник Guardian го вклучи во својата сторија за скриените убавини на Грција. Селото е атрактивно за посета во август, па дури и во септември.
Убавите плажи, природната убавини и уникатната атмосфера во селото прават местото да наликува на засебен остров на островот Пелопонез.
Јалова е релативно блиску до Атина па нема да има потреба да купувате билети за траект. Оддалеченоста од главниот град на Грција до приморското село е околу 270km или околу 3,5 часа патување со автомобил.
Јалова е препознатливо по Јалова лагуната, но и по природниот резерват. Местото кон крајот на август и во септември станува важна точка за миграција низ која поминуваат над 200 видови птици кои патуваат кон југ за да презимат, а задолжително ја посетуваат бистрата лагуна.
Освен што можете да уживате во околните плажи, местото е релативно блиску и до голем број историски споменици на западниот брег на Пелопонез, а во близина се и познатите водопади Полимни, но и областа Месинија каде има околу 15 езера кои заради нерамната површина креираат водопади.
Заради длабочината на езерата, водопадите се сметаат дека не се погодни за деца и треба особено да бидете внимателни.
Што се однесува до плажите во близина на Јалова, можеби најпозната е кружната плажа Voidokolia која мами воздишки со кристално чистата вода, а во близина е и плажата Romanos, што нуди неповторлив поглед на Јонското Море.
https://www.instagram.com/p/CfTpHJHtqGC/?utm_source=ig_web_copy_link
Еден дел од плажата е организиран, а друг е див за оние кои сакаат да си лежат на песок.
Б. С. Б. | Црнобело
Би можело да ве интересира:
Препорачуваме
Најчитани неделава
