„Бев на Занзибар – најдобрите и најлошите работи кои ги видов на оваа егзотична дестинација“

Тура низ Стоун Таун – историско средиште на градот, како и некогашна престолнина на занзибарските султани. Скоро 80% од градбите се во лоша состојба, поради распаѓање на корален камен од кој се изградени зградите.

Во лавиринтот од тесните улички, со накрцани продавнички и сувенирници, рамо до рамо ќе се разминуваш со веспи, локалци и љубопитни туристи. Има многу локации што треба да се посетат.

Од куќата во која живеел Фреди Меркјури, Старата тврдина, Куќа на чудата, па сè до поранешниот пазар за робови, пазарот Дараџани и дегустирање на вкусните локални вкусови од Ноќниот маркет за храна Фородани.

Фарма со зачини – ги има многу. Тука ќе се запознаеш со зачините (бибер, цимет, ванила, каранфилче …) што секојдневно ги користиме и како Занзибарците ги користат во своите домаќинства.

Најчесто има дегустирање на тропско овошје, како и шоу каде некој локалец се качува на високите палми.

Плажата „Кае Фанк“ – ова може да го искомбинираш со посета на Сината лагуна каде што ќе пливаш со морски ѕвезди и еден од најфотогеничните ресторани на Занзибар, „The Rock“.

Потоа одиш на плажата Кае Фанк и чекаш да дојде 18 часот кога започнува вистинската магија – зајдисонце, група на локални танчари кои фасцинираат со своите акробации, логорски огин и групно играње на песната Jerusalema!

Тоа е моментот кога започнува вистинската забава.

Секако има уште многу интересни локации, како островот Мнемба, кој е во сопственост на Бил Гејтс и имаш чувство дека се наоѓаш на Малдиви.

Островот Квале е измислен за сите оние што сакаат да нуркаат и да го истражуваат подводниот свет на Занзибар, а таму се наоѓа и лагуната со мангрови дрвја.

Има и голем избор на активности што можеш да ги правиш во слободно време: од возење на скутер на вода, транспарентен кајак, крстарење со традиционални едрилици на зајдисонце и јавање на коњи на самата плажа, па сè до посета на село на Масаи, зоолошка градина со еден куп мајмуни или природен базен со водни желки.

А, кога станува збор за забава, диското Cocobello во Нунгви во никој случај не треба да се пропушти.

Треба да се наведе и автентичноста на занзибарскатa кујна. Преку различни деликатеси може да се доживее Источна Африка, со влијанието на Индија и арапскиот свет.

Целата комбинација се врти околу морски производи, пилешко, тропско овошје и различни зачини.

Занзибарска пица е број 1 – затоа е толку позната помеѓу локалците и туристите. Ниту на изглед, ниту по вкус занзибарската пица не потсетува на италијанската.

Таа во принцип е тесто со различни состојки: од говедско месо, исечкан кромид, пиперка и домат, па сè до мајонез и крем-сирење. Нутела, банана и манго исто така е одлична комбинација!

Продолжува на следната страна...