Игри за стимулација на говорот кај децата со логопед Симона В. Николовска

Познато ни е дека играта е највисоката форма на истражување и единствениот начин преку кој децата најлесно учат нови вештини.

Бебињата од самото раѓање ги слушаат опкружувачките зуци, па многу е важно од првиот ден да го изложите бебето на најразлични звуци, да му зборувате, да му пеете, да му пуштате музика па дури и да му читате.

Но, кои игри и начини, да ги користите за да го стимулирате развојот на говорот кај децата?

Секојдневието ни е исполнето со активности и случувања, кои Вие како родители треба да ги користите во насока на говорна стимулација.

Имитирајте ги звуците на животните и природата, ономатопејата е многу важна во почетокот на прозборувањето кај дечињата. Кога шетате со бебето, свесно следете ја околината и коментирајте ја гласно, драматизирајте и направете му на бебето да му е интересно. Ако видите маче, покажете му го мачето и имитирајте го звукот кој го прави.  Ако видите автомобил, неколку пати повторете дека е тоа автомобил и дека прави “Бррм”.

Кога сте дома, користете ги секојдневните активности, кои навидум можеби Ви изгледаат смешно, но се начин и техника за стимулација на детето. Кога миете раце објаснете што правите, кога јадете драматизирајте колку е вкусно јадењето, испуштајте различни звуци и забавувајте се.

Учете ги деловите на телото со многу повторувања на себе, на бебето и на некоја играчка.

Како игровна стимулација може да ги користите и звучните и незвучните играчки.

Редете сложувалки за сортирање, по боја или форма, но не очекувајте детето да ги кажува, секогаш Вие именувајте ги.

Пејте песнички со рими, танцувајте, забавувајте се.

Играјте пред огледало, правете најразлични фаци и испуштајте најразлични звуци, децата тоа го сакаат и најлесно учат низ спонтана игра со многу повторувања.

Многу повеќе игри и техники може да најдете во Среќичка водичот за стимулација на говорот на бебиња од 6 – 12 месеци и водичот за стимулација на говорно – јазичните вештини кај деца кај кои развојот на говорот доцни 18+м. 

Логопедот Симона Василеска Николовска може да ја следите на Инстаграм. Доколку имате прашања и предлози за тема на разговор со логопедот, испратете ги на Оваа е-адреса е заштитена од спамботови. Треба да ви е овозможено JavaScript за да ја видите..

Прочитајте и: На тема: „Зошто моето дете сè уште не зборува?“ со логопедот Симона В. Николовска

©CRNOBELO.com Забрането преземање и копирање. Крадењето на авторски текстови е казниво со закон.