6 работи со кои родителите несвесно им штетат на своите деца

Не им ставате крем со заштитен фактор

Можеби вие сте пораснале без крем со фактор и сметате дека на детето нема да му биде ништо ако си игра на сонце незаштитено.

Но, бројни понови истражувања покажуваат дека честата изложеност на сонце без соодветна заштита го зголемува ризикот од рак на кожа.

Покрај тоа, изгорениците од сонце не само што се болни, туку можат да предизвикаат и низа други проблеми, како инфекции.

А, не заборавајте дека детската кожа е многу понежна и почувствителна.

Затоа, секојпат кога е сончево и детето излегува надвор, ставете му крем со фактор.

Не му купувате детска паста за заби

Постои причина зошто постојат специјални пасти за заби наменети за деца. Детските пасти за заби имаат многу помало количество флуор во нив.

За возрасните, флуорот од обичните пасти за заби не претставува проблем. Но, кај децата може да предизвика состојба позната како флуороза.

Оваа состојба има влијание врз емајлот на детските заби и може да го оштети.

Им ги чистите уште со стапчиња 

Ако внимателно го прочитате упатството на амбалажата на овие стапчиња, ќе забележите дека е нагласено да не се ставаат во увото, туку да се користат само за ушната школка.

Чистењето на внатрешноста со овие стапчиња не е многу ефикасно бидејќи со него само дополнително ги туркате нечистотиите во увото.

Со ова, пак, се зголемува ризикот од инфекции. А, истото важи и за децата.

Не заборавајте и дека ушниот восок постои со причина и им е потребен на ушите, па не треба да го отстранувате целосно.

Кога станува збор за деца, најбезбедно е да им ги избришете ушите со чиста крпа, веднаш по бањање.

Спирова С. | Црнобело