Психолошки трикови што може да ви ја спасат врската или бракот (низ илустрации)

Не го обвинувајте партнерот и не избрзувајте со заклучоци. Кога се расправате, решавајте го само тековниот проблем, а не сите одеднаш. Кои психолошки трикови може да ви ја спасат врската?

Добрата комуникација е мошне важна за секоја врска. Но, понекогаш токму ситните детали одредуваат дали некоја расправија за бесмислени работи ќе се претвори во жестока кавга или ќе успеете да направите промени.

Во продолжение погледнете 10 психолошки трикови како да не дозволите една мала расправија да ви ја уништи врската и да наоѓате компромис за сите проблеми.

Решавајте само по еден проблем

Често се случува кај паровите, малата кавга за ситници да прерасне во долга расправија во која ќе се изнесат сите грешки и маани на партнерот што не ви се допаѓаат.

На овој начин, го збунувате партнерот, кој не знае дали му се лутите за тоа што го направил сега, или, пак за сите грешки одеднаш, а изнесувањето „докази“ само прави да се чувствувате уште повознемирени и гневни.

Затоа потребно е да се потрудите да останете фокусирани само на тековниот проблем. Прегризете јазик и не ги изнесувајте сите проблеми од минатото, за кои и онака сте молчеле. Ако партнерот почне да патува со темите, обидете се да го вратите на тоа за што сте разговарале.

Избегнувајте постојано да ги повторувате истите работи

Ако постојано ги повторувате истите работи, партнерот ќе научи како да ве „исклучи“ и воопшто да не ве слуша, а вие ќе се чувствувате фрустрирани.

Обидете се проблемите да ги решавате секојдневно и не дозволувајте гневот да надвладее со вас.

Не го обвинувајте партнерот

Обидете се да ги пребирате зборовите кога сакате нешто да му кажете на партнерот и не го осудувајте. Понекогаш дури и ако имате најдобри намери, употребата на зборовите како „добро“ или „лошо“ може да звучи како осуда.

Затоа потрудете се да нагласите дека имате поинакво мислење, или дека од ваша перспектива работите се поинакви.

Потрудете се да се смирите пред да разговарате со партнерот

Кога сте гневни, нема да решите ништо и може да донесете одлуки за кои подоцна ќе се каете.

Обидете се да излезете од дома, да се смирите, а потоа смирено разговарајте за проблемите.

Продолжува на следната страница...