„Не сакав да имам дете во 20-тите години и да си го сменам животот од корен, станав родител подоцна“

„Луѓето претпоставуваат дека се каам што станав родител на подоцнежни години, но не е така. Јас уште од младоста планирав доцна да имам дете. Знаев дека во 20-тите години не сакам да се ограничувам на поле кариера, патувања, забава, партнери...“

Кој е вашиот став на тема родителство? Дали сметате дека дете треба да се добие во 20-тите години од животот или подоцна?

Луѓето кои се одлучуваат за деца подоцна во животот понекогаш се мета на критики.

Но, во искрени исповеди за Buzzfeed тие откриваат зошто воопшто не се каат за својата одлука.

Исповеди на луѓе кои станале родители подоцна во животот (и се среќни поради тоа):

„Луѓето претпоставуваат дека се каам што станав родител на подоцнежни години, но не е така. Јас уште од младоста планирав доцна да имам дете.

Знаев дека во 20-тите години не сакам да се ограничувам на поле кариера, патувања, забава, партнери и дека бебе на овие години ќе ми биде товар (говорам за мене, не ме напаѓајте).

Не ги осудувам луѓето кои сметаат дека е добро рано во животот да се стане родител, но едноставно тоа не беше за мене“.

„Пораснав во мал град каде сите рано стапуваа во брак и добиваа деца и повеќето сметаа дека сум себична што не сакам деца.

Отсекогаш знаев дека да се има дете е комплетно менување на животот од корен и не дека бев себична, но едноставно не бев подготвена за тоа.

Мислам дека сега сум многу подобра мајка, отколку што ќе бев во младоста“.

„Луѓето секогаш мене и сопругата нè прашуваат дали нашите деца ни се внуци и мислат дека немаме енергија за да си играме со нив.

Но, всушност токму тоа што добивме деца подоцна во животот е клучно за искрата која гори во нас, за тоа што попосветено се грижиме за нашето здравје и сме поактивни од сите наши врсници“.

„Имам повеќе трпение и пари отколку што имав во 20-тите, па сосема ми е во ред што добив деца на подоцнежна возраст“.

С. С. | Црнобело / фото: pexels.com