„Јас сум ‘лоша’ мајка, немам многу трпение, но морам да работам и заработам за кредитите - маж ми не може сам“

„Кај нас дома телевизорот е вклучен секој ден. Често само како позадинска врева додека децата си играат и трчаат низ домот. И некој ме искритикува за тоа, но верувајте ми во идеален свет, јас би го елиминирала времето пред ТВ и би била мајка што прави занаетчиски активности со децата. Но, ние не живееме во идеален свет, нели?“, е дел од исповедта на Џејд Лили од Велика Британија, која коментира за критиките дека е лоша мајка.

Џејд Лили од Велика Британија е мајка на 2 деца која искрено говори за мајчинството и за сите тешкотии со кои се соочува притоа.

На нејзиниот Инстаграм профил насловен како „Honest Mum Jade“ (Искрената мајка Џејд) откри кои се работите кои мрази да ги признае како мајка, но се реалност.

Нејзината искрена исповед:

„Не знам што се случува со мојот Инстаграм профил во последно време, но прочитав неколку осудувачки објави.

И коментарот за телевизорот беше капката што ми ја прелеа чашата.

И верувајте, знам дека тие работи не се идеални. Во идеален свет, јас би го елиминирала времето пред ТВ и би била мајка што прави занаетчиски активности со децата. Но, ние не живееме во идеален свет, нели?

Живееме во свет кој некогаш изгледал така што мажите работеле бидејќи нивната плата ги покривала хипотеката и сметките, додека жените останувале дома со децата, одгледувајќи ги во заедница со други членови на семејството, баби, дедовци и соседи. Но, светот денес е сосема поразличен.

Просечната цена на куќа веќе е неверојатно голема, а просечната плата мала – мажите веќе не заработуваат доволно за да ги покријат сите трошоци.

Жените денес имаат избор дали сакаат да работат, но многу од нив се чувствуваат приморани да работат поради економската криза.

Ако си на горниот крај од „ниска“ плата или во средната класа, тогаш едвај врзуваш крај со крај, но сепак заработуваш премногу за да добиеш државна помош.

Затоа двајцата родители работат цел ден. А мајките што се дома можеби веќе немаат толку силна поддршка од заедницата, бидејќи животот е многу различен од порано.

Притисокот врз нас е огромен, а сите само се обидуваме да се снајдеме најдобро што можеме.

Продолжува на следната страница...